1нче октябрь — Халыкара өлкәннәр көне! Бу бәйрәм — еллар узган саен күңелләрендәге җылы...
1нче октябрь — Халыкара өлкәннәр көне! Бу бәйрәм — еллар узган саен күңелләрендәге җылылыкны, зирәклекне һәм игелекне саклап калган олы буын вәкилләренә хөрмәт күрсәтү көне. Чыннан да өлкәннәр көне - ул безгә чиксез кадерле һәм күркәм бәйрәм, анда без ата-аналарыбызны, әби-бабайларыбызны аерым игътибар белән искә алабыз. Бу көнне «Теремкәй» балалар бакчасында Халыкара өлкәннәр көненә багышланган очрашу булып узды. Балалар бакчасы мөдире Ахматгалиева Е.В ветераннарызга котлау сүзләре белән мөрәҗәгать итте. Аларга хезмәтләре, сабырлык, мәрхәмәтлелек, зирәк киңәш бирә һәм авыр минутта ярдәм итә белүләре өчен рәхмәт сүзләрен белдерде. Ә тәрбиячеләр исә өлкәннәргә багышлап кызыклы скетчлар куйдылар, җырлар җырладылар, төрле уеннар оештырдылар. Бәйрәм чәй табына янында дәвам итте. Анда барлык балалар бакчасы коллективы исеменнән өлкәннәр хөрмәтенә котлау һәм рәхмәт сүзләре яңгырады.