Ытыктабыллаах биир идэлээхтэрим уонна үлэ бэтэрээннэрэ! — 1 мая 2026 г. в 20:57:05.881
Ытыктабыллаах биир идэлээхтэрим уонна үлэ бэтэрээннэрэ! Сунтаар улууhун уерэ5эриитин улэhиттэрин идэлээх холбоhугун аатыттан эһигини Улуу Май — Үлэ уонна Саас бырааһынньыгынан ис сүрэхтэн эҕэрдэлиибит! Ыам ыйын маҥнайгы күнэ хаһан баҕарар айымньылаах үлэни, сомоҕолоһууну уонна саҥа саҕалааһыннары кытта ситимнээх. Биһиги уопсай дьыалабыт, бэриниилээх үлэбит уонна бэйэ-бэйэҕэ өйөбүлбүт эрэ сайдыыны аҕалар. Саха сиригэр профсоюзнай хамсааһын төрүттэммитэ быйыл 105 сыла! Бу — улахан суолталаах бэлиэ сыл. Саха сирин Профсоюзтарын Федерацията бу үбүлүөйдээх сылга элбэх дьаһаллары, аахсыйалары уонна күрэхтэри ыытар. Профсоюзтар хаһан баҕар үлэһит дьон быраабын көмүскүүр, сомоҕолуур күүс буолаллар. Бу үөрүүлээх күҥҥэ эһиэхэ саҥа саҕахтары, тус бэйэҕитигэр уонна чугас дьоҥҥутугар кытаанах доруобуйаны, этэҥҥэ буолууну, дьолу-соргуну, үлэҕитигэр өрүү үрдүк ситиһиилэри баҕарабыт! Сааскы сырдык күммүт эһиэхэ күүҺү- уоҕу эптин, саҥа ыраас санаалары сахтын!