Балалар бакчасындагы чыгарылыш кичәсе — барлык бәйрәмнәр арасында иң күңелне нечкәртүче... — 29 мая 2026 г. в 18:43:22.859

Балалар бакчасындагы чыгарылыш кичәсе — барлык бәйрәмнәр арасында иң күңелне нечкәртүче, иң онытылмаслык бәйрәм. Бүген, ягъни 29 нчы май көнне Олы Кибәхуҗа балалар балалар бакчасында чыгарылыш кичәсе җылы, дустанә шартларда узды. Иркен, якты, ямьле бакча быел 3 баласын мәктәпкә озатты. Кай арада балалар бакчасыннан китәр вакытлары җиткән!Бәйрәм  балаларның тантаналы төстә чыгуы белән башланып китте. Балалар бакчада үткәргән елларда алган белемнәрен, осталыкларын күрсәттеләр: җырлар җырладылар, шигырьләр сөйләделәр, биюләре белән сөендерделәр.Иң ахырдан саубуллашу вальсы башкардылар. Балалар бакчасы мөдире мәктәпкә баручыларга хәерле юл, уңышлы укуларын һәм, әлбәттә, яраткан бакчаларын онытмауларын теләде. Барлык балалар һәм ата-аналар исеменнән тәрбиячеләргә һәм бакча хезмәткәрләренә рәхмәт сүзләре әйтелде. Һәр балага балалар бакчасын тәмамлау турында бүләкләр һәм дипломнар тапшырылды. Бәйрәмгә “Алдынгылар хәрәкәте” активистлары һәм җитәкчеләре Нурисламова Миләүшә белән «Беренчеләр хәрәкәте» нең җирле бүлекчәсе җитәкчесе  Сабирова Алия Рафисовна да килгән иде. “Алдынгылар хәрәкәте” активистлары балалар белән матур чыгыш күрсәттеләр., якты бию — «ПЕРВЫХ»флешмобын башкардылар! Һәрбер чыгарылыш баласы  осталардан Истәлекле билге —значоклар, бүләкләр алды. Алия Рафисовна безнең бакчаның эшчәнлеген  мактап искә алды.Рәхмәт хаты, истәлекле бүләкләр тапшырды.