1 сентябрь  көнне балалар бакчасында культура куркынычсызлыгы буенча ачык дәрес үткәрел... — 2 сентября 2026 г. в 05:42:20.735

1 сентябрь  көнне балалар бакчасында культура куркынычсызлыгы буенча ачык дәрес үткәрелде. Балалар бакчасында куркынычсызлык культурасы буенча дәрес — ул балаларны өйрәтү генә түгел, ә аларда көндәлек тормышта үз-үзеңне дөрес тоту гадәтләрен формалаштыру. Дәрес уен рәвешендә үткәрелсә, нәтиҗәлерәк була.Тәрбияче иң элек балаларга  төрле куркыныч хәлләр: юл йөрү , беспилотниклар һөҗүме, йортларда янгыннар,төрле бәла-казалар, бал кортлары чагулар , велосипедда йөрү кагыйдәләре белән таныштырды.Дәреснең икенче өлеше уеннар белән үткәрелде. 1 уен “Серле иминлек иленә сәяхәт”-бу уенның максаты-Балаларны гади һәм катлаулы куркыныч очракларда (өйдә, урамда, табигатьтә) ничек эш итәргә кирәклегенә өйрәтү; игътибарлылык, җаваплылык хисе тәрбияләү. 2 уен:Танышу уены “Йөрәктән-йөрәккә”- Бу балаларда психологик уңайлылык тудыра. 3 уен: “Өйдәге серләр”.  «Тылсымлы капчык»тан төрле предметлар чыгарыла: шырпы, даруханә тартмасы, розеткага охшаган пластилин, пычак, уенчык машина, китап. ·  Бурыч: Предметны кулына алгач, бала нәрсә эшләргә мөмкинлеген аңлата. Әгәр предмет куркыныч булса («ярамый»), бала учын күтәрә. ·  Нәтиҗә: Өйдә ялгыз калсаң, ишекне чит кешеләргә ачма. Розеткага әйбер тыкма, шырпы белән уйнама, даруларны авызыңа якын китермә. «Кайнар» дип язылган савыт-сабага орынма. 4 уен: «Светофор». Максаты- юлны бары тик «зебра»дан яки светофорның яшел утыннан гына чыгарга. Машиналарга каршы йөгермәскә. Велосипедта, роликларда, самокатта юл уртасында йөрмәскә өйрәтү.Балаларга дәрес бик ошады, актив катнаштылар.