МБДОУ "Центр развития ребенка-детский сад №25 "Кустук" с. Огородтах"
Лайфстайл · 19 марта 2026 г.
Бүгүн "Кустук" оҕону сайыннарар киин базатыгар Суоттутааҕы кустовой методическай холбоһ... — 19 марта 2026 г. в 13:21:25.028
Бүгүн "Кустук" оҕону сайыннарар киин базатыгар Суоттутааҕы кустовой методическай холбоһук "Педагогический калейдоскоп" диэн Россияҕа оскуола иннинээҕи үөрэхтээһин сылыгар туһаайыллыбыт иитээччилэр, уһуйааччылар икки ардыларыгар үлэ опытын атастаһыыга олус туһалаах тэрээһин буолан ааста. Бу тэрээһиҥҥэ улуустааҕы үөрэх салалтатын солбуйар начальнига Григорьев Т. А., оскуола иннинээҕи үөрэхтээһин отделын начальнига Ефимова-Ушницкая Е. П., сүрүн специалистар Черкашина О.П., Слепцова С.Н., улуустааҕы үөрэх салалтатын ветеран инспектора Сивцева Е.Ф., "Хаачылаана" ветеран сэбиэдиссэйдэр түмсүүлэрин салайааччылара Григорьева Н.Г., Уһун-Күөллээҕи "Чуораанчык" уһуйаан ветеран сэбиэдиссэйэ Васильева А.А., "Кустук" оҕону сайыннарар киин ветеран сэбиэдиссэйэ Алексеева К.И. кыттыыны ыллылар. Тэрээһин саргы чааһын В.М. Прокопьев аатынан Тумул орто оскуолатын, Суоттутааҕы "Кустук" оҕону сайыннарар киин иитиллээччилэрэ ырыаларынан, үҥкүүлэринэн киэргэттилэр. Күн маҥнайгы аҥарыгар иитээччилэр бииртэн биир интэриэһинэй дьайымаллары ыытан көрдөрдүлэр. Ол курдук, Петухова П.М. (Тумул) орто бөлөххө үгэскэ киирбэтэх ньыманан уруһуйга, Лебедева А.Д. (Хоноҕор) улахан бөлөххө "Саас кэллэ" диэн тыл сайдыытыгар, Пермякова В.В. (Суотту) бэлэмнэнии бөлөххө "Опыт нөҥүө утары суолталаах тыллары үөрэтии" диэн интегрированнай дьарыктары ыыттылар. Кустовой холбоһук үлэһиттэрин айар үлэлэрин выставката дьон болҕомтотун, сэҥээриитин тарта. Манна иитээччилэр эрэ буолбакка, уһуйаан үлэһиттэрэ бары кыттыбыттара хайҕабыллаах диэн бэлиэтэннэ. Оҕону сайыннарар араас оонньуулары таһынан, үлэһиттэр иллэҥ кэмнэрин туһалаахтык атаарар илии үлэтэ элбэҕэ сөхтөрдө. Салҕыы эмиэ олус интэриэһинэй, сонун үлэ опытын атастаһыы, мастер-класстары көрүү буолла. Алексеева Н.П. (Тумул) "Олоҥхо уус-уран тыла оҕо тылын сайыннарарга көмөтө", Заровняева К.Р. (Суотту) "Төрөппүтү кытары ситимнээх үлэ көрүҥнэрэ", Барашкова П.Е. (Тумул) "Ымыылар" ырыа куруһуогун үлэтэ", Петухова В.П., Тарская В.В. (Суотту)" STEAM үөрэхтээһин - оскуола иннинээҕи үөрэхтээһин сайдыытын биир хайысхата", Портнягина Е.Н. (Саһылыкаан) "Эбру ньыматынан уруһуйдааһын" мастер-класс ыыттылар. Наталья Григорьевна "Хаачылаана" түмсүү үлэтин-хамнаһын, инники былааннарын билиһиннэрдэ. Ветеран үлэһиттэргитигэр болҕомтото ууруҥ, үлэҕитигэр кыттыһыннарын, ситимнээхтик үлэлээн диэн сүбэлээтэ. Елизавета Федоровна КМО үлэтэ сөргүтүллэрэ олус наадалааҕын бэлиэтээн эттэ уонна иитээччилэргэ таһаарыылаах үлэни баҕарда. Анна Алексеевна бэйэтэ үлэлээбит детсадыгар тугунан көмөлөһөрүн, туох тэрээһиннэри ыытарын туһунан кэпсээтэ. Түмүккэ Тимофей Афанасьевич мустубут дьоҥҥо тренинг ыытан бары олус көхтөөхтүк кыттан, астынан, элбэх туһалаах сүбэ ыллыбыт, олус истиҥ тэрээһин, аһаҕас кэпсэтии буолла диэн эҕэрдэлэһэн, бүгүҥҥү үлэбититтэн дуоһуйан,тарҕастыбыт.