МБДОУ "Центр развития ребенка - детский сад №3 "Уруйэчээн"
Лайфстайл · 10 сентября 2026 г.
Бүгүн, балаҕан ыйын 10 күнүгэр, Үөһээ Бүлүү улууһун үөрэҕэриитин ситимин үлэһиттэрин ба...
Бүгүн, балаҕан ыйын 10 күнүгэр, Үөһээ Бүлүү улууһун үөрэҕэриитин ситимин үлэһиттэрин балаҕан ыйдааҕы сүбэ мунньахтарын чэрчитинэн, улууспут оскуолаларын директордарын уонна уһуйааннар сэбиэдиссэйдэрин кытта көрүстүм. Балаҕан ыйга ыытыллар улуустааҕы педагогическай үлэһиттэр мунньахтара сыл ахсын саҥа үөрэх сыла саҕаламмытын бэлиэтиир уонна саҥа үөрэх сылыгар сыаллары-соруктары туруорар эппиэтинэстээх тэрээһин буолар. Быйылгы мунньах ааспыт үөрэх сылын түмүктэригэр уонна 2030 сылга диэри үөрэҕэрии сайдыытыгар туһуламмыт стратегияҕа ананан ыытыллар. Көрсүһүүгэ үөрэх тэрилтэлэрин салайааччыларын дакылааттарын иһиттим. Кинилэр үлэлэрин туһунан сиһилии кэпсээтилэр, ситиһиилэрин үллэһиннилэр уонна баар кыһалҕалары этиннилэр. Түмүккэ үөрэх тэрилтэлэрин салайааччыларыгар ситиһиилээх сылы баҕаран туран, ааспыт үөрэх сылын көрдөрүүтүн өссө тупсарыыга кыһамньылаахтык үлэлииргэ ыӈырдым. Биһиги улууспут оҕолорун үөрэҕэриитэ – биһиги кэскилбит. Онон бары күүспүтүн уонна сатабылбытын холбоон, саҥа үөрэх сылыгар улахан ситиһиилэри оҥоруоҕуҥ! #Образование #ҮөһээБүлүү #Үөрэҕэрии150 max.ru/channel_VNikolaev