МБДОУ "Центр развития ребенка - детский сад №3 "Уруйэчээн"
Лайфстайл · 18 октября 2026 г.
Күндү Үөһээ Бүлүү улууһун олохтоохторо!
Күндү Үөһээ Бүлүү улууһун олохтоохторо! «Үөһээ Бүлүү улууһа» муниципальнай оройуон дьаһалтатын аатыттан уонна тус бэйэм ааппыттан эһигини Саха Өрөспүүбүлүкэтигэр Ийэ күнүнэн уонна Арассыыйаҕа Аҕа күнүнэн итиитик-истиҥник эҕэрдэлиибин! Ийэ уонна Аҕа – олохпут икки сүрүн күүһэ, киһи-аймах сайдыытын төрдө. Кинилэр тапталлара, алгыстара хас биирдии киһиэхэ кынат биэрэн, үтүө суолу тутуһарга сирдиир. Ийэ уонна Аҕа баар буолан, дьиэ кэргэн холумтана уоттаах, оҕо саас дьоллоох, инники олохпут кэскиллээх. Саха сиригэр Ийэ күнэ 1993 сыллаахха өрөспүүбүлүкэбит бастакы Бэрэсидьиэнэ Михаил Ефимович Николаев Уурааҕынан олохтоммута. Бу күн биһиэхэ саамай истиҥ, ытыктанар бырааһынньыктартан биирдэстэрэ буолан, Ийэ ытык аатын, кини олоххо аналын, тапталын уонна алгыһын үрдүктүк тутарга ыҥырар. Арассыыйаҕа Аҕа күнэ 2021 сыллаахха олохтонон, дьиэ кэргэӈӈэ Аҕалар киллэрэр сүдү кылааттарын бигэргэппитэ. Аҕа – дьиэ кэргэн тирэҕэ, көмүскээччитэ, холобура, оҕоҕо эр санааны, күүһү-уоҕу, киһи быһыытынан киэҥ көҕүстээх буолууну иӈэрэр ытык киһи. Эһиги, күндү төрөппүттэр, хас биирдиигит үтүө холобургутунан, кыһамньыгытынан, муҥура суох тапталгытынан олох кэрэтин, үтүө үгэстэри ыччаккытыгар тиэрдэн дойдубут кэскилин түстүүгүт. Эһиэхэ, күндү Ийэлэр уонна Аҕалар, барыгытыгар чэгиэн-чэбдик доруобуйаны, дьолу-соргуну, дьиэ кэргэҥҥитигэр эйэлээх, уйгулаах олоҕу баҕарабын. Оҕолоргут, сиэннэргит эһигини өрүү үөрдэ, үтүө дьыалаҕытын салгыы сырыттыннар. Холумтаҥҥыт уота хаһан да умуллубатын, сүрэххит тапталынан, үөрүүнэн сыдьаайдын! Ийэ уонна Аҕа алгыһа хас биирдиибитигэр олохпутугар аргыс буоллун! Эҕэрдэни кытта, Үөһээ Бүлүү улууһун баһылыга, В. В. Николаев. #ДеньМатери #ДеньОтца https://max.ru/channel_VNikolaev