МБДОУ "Центр развития ребенка - детский сад №3 "Уруйэчээн"
Лайфстайл · 29 октября 2026 г.
Бүгүн Р.П. Матвеева аатынан Үөдүгэй бибилэтиэкэтигэр «Күннүүн оонньуур күөрэгэйдэр” диэ...
Бүгүн Р.П. Матвеева аатынан Үөдүгэй бибилэтиэкэтигэр «Күннүүн оонньуур күөрэгэйдэр” диэн биир дойдулаах суруйааччыбыт П.Н. Тобуруокап төрөөбүтэ 109 сылыгар анаан оскуола иннинээҕи саастаах оҕолорго улуустааҕы хоһоон ааҕыытын күрэҕэ буолан ааста. Күрэҕи – 7 нүөмэрдээх “Сказка” оҕо уһуйаана, Р.П. Матвеева аатынан Үөдүгэй бибилэтиэкэтэ, улуустааҕы оҕо бибилэтиэкэтэ, улуустааҕы “Ийэ тыл” түмсүү тэрийэн ыыттылар. Бу күрэх иккис сылын тэрээһиннээхтик ыытылынна. 6 саастаах оҕолорго Кылаан чыпчаал аатын «Үрүйэчээн” оҕо уһуйааныттан Сайыына Саввинова ылла.1 -кы миэстэ буоллулар – Айаана Михайлова, «Сардаана” оҕо уһуйаанын иитиллээччитэ, Ньургун Семенов, Артур Донской «Ыллыкчаан” оҕо уһуйаанын иитиллээччилэрэ, Сережа Алексеев «Үрүйэчээн» оҕо уһуйаанын иитиллээччитэ . 2-с миэстэни София Тойтонова, Намнааҕы «Кэнчээри» оҕо уһуйааныттан, Оливия Дубинина «Ыллыкчаан” оҕо уһуйааныттан, Кыдаана Ефремова «Сказка” оҕо уһуйааныттан ыллылар. 3-с миэстэ Сулустаан Михалев Намнааҕы «Кэнчээри» оҕо уһуйааныттан, Лиза Константинова Кэнтиктэн “ Сайыына” оҕо уһуйааныттан буоллулар. Дьүүллүүр сүбэҕэ улуустааҕы «Ийэ тыл” түмсүү салайааччыта Антонина Хобусарова, улуустааҕы оҕо бибилэтиэкэтин бибилэтиэкэрэ Екатерина Семенова, Р.П. Матвеева аатынан Үөдүгэй бибилэтиэкэтин сэбиэдиссэйэ Валентина Филиппова үлэлээтилэр.Оҕолорбут төрөөбүт тылларынан хоһооннорун иһирэхтик сайа аахтылар, хоһоонноругар сөптөөх көстүүмнэри кэтэн кэлэн, атрибуттары туһанан артыыстаан, сааланы толору мустубут дьон иннигэр иҥнибэккэ-толлубакка дьоһуннаахтык аахтылар. Бу курдук сахабыт литературатын таптыыр, өрө тутар дьоһун дьон буолан тахсыахтара диэн эрэнэбит.