🌿🌿Ыам ыйын 22 күнүгэр Ньукуолун күн үгэс быһыытынан сайыҥҥы күөххэ,көҥүлгэ үктэнэр үт... — 23 мая 2026 г. в 03:50:30.587
🌿🌿Ыам ыйын 22 күнүгэр Ньукуолун күн үгэс быһыытынан сайыҥҥы күөххэ,көҥүлгэ үктэнэр үтүө-мааны бэлиэ "Сайылыкка көһүү" күнүн бэлиэтээтибит. Бу күн биһиэхэ эбээлэрбит кэлэн күндү ыалдьыт буоллулар, "Эбээ түмсүүтүн" салайааччыта Луковцева М.Ф. алгыстаан, үтүө сайын түстээтин,оҕолорбут этэҥҥэ сырыттынар диэн алгыстаата. Оҕолор саха мааны таҥаһынан симэнэн,салама баайан, арыылаах саламааты, алгыстаах алаадьыны амсайан ырыаны,үҥкүүнү оройуттан туттулар. Бөлөхтөр икки ардыларыгар "Баай сандалы остуолум", "Саха мааны таҥаһа" дьиэ кэргэн күрэҕэ, "Толбоннурар уһун суһуох" кыргыттарга, "Уол оҕо,моҕотой" уол оҕо сахалыы таҥаһыгар, "Сымса куо", "Хардааччы Бэргэн" күрэхтэр ыытылыннылар. Ону тэҥэ оҕолорго "Сайылык оонньуулара", "Мин түөрт атахтаах доҕотторум" тыыннаах муннук (контактный зоопарк) тэрилиннэ🌸🌿🌱 Үтүө сайын эргийдин,уйгу -быйаҥ дэлэйдин диэн самаан сайыны уруйдуу көрүстүбүт. 🌿🌿🌿