Балаҕан ыйын -Улуу Суорун ыйын 24 күнүгэр *"Киһи кэпсэтэн, ынах маҕыраһан, сылгы кистэһ...
Балаҕан ыйын -Улуу Суорун ыйын 24 күнүгэр *"Киһи кэпсэтэн, ынах маҕыраһан, сылгы кистэһэн билсэр"* диэн сахабыт өс хоһоонунан төрөппүттэрбитин кытта билсиһии мунньаҕын тэрийэн ыыттыбыт. Дьиэ кэргэн анкетатын толорон, бу ыйга туох үлэ ыытыллыбытын, оҕолорун уһуйааҥҥа күннээҕи олохторун кытта билсэн видео презентация көрөн 20 төрөппүт кыттыыны ылла. Сахалыы тыыннаах, уу сахалыы кэпсэтэн, сэһэргэһэн мунньахпытын саҕалаатыбыт. Киһиэхэ күндүттэн күндүтэ - оҕото. Саха оҕотун туһугар олорор. Оҕо тапталынан иитиллиэхтээх диэн олохпут сүрүн тиэмэтин арыйан улуу педагог А. С. Макаренко бэлиэтээн эппит тылларын төрөппүккэ холобур оҥорон: "Оҕо биэс сааһыгар оҥорбуккут - бу иитии процеһын 90%-на". Маны ордук эдэр төрөппүттэр билэллэрин курдук быһааран сүбэ оҥоһуллунна. Маны тэҥэ оҕо биэһигэр диэри сааһын "алыптаах сыллар" диэн ааттыыллар. Бу кэмҥэ диэри төрөппүттэрэ хайдах ииппиттэрэ, тутта-хапта сылдьара, дьоҥҥо сыһыана олоҕун тухары хаалар. "Оҕоҕун сөпкө иитиэҥ - олоххо дьоллонуоҥ" саха өһүн хоһооно мээнэ этиллибэт. Хас биирдии төрөппүт оҕото үрдүк культуралаах, дьоҥҥо эйэҕэс аламаҕай сыһыаннаах, киэҥ билиилээх буолуон баҕарар. Ол инниттэн төрөппүт оҕото сайдарыгар бары усулуобуйаны олохтуурга көмө-тирэх буолун диэн ыҥырыы этиллиннэ. Төрөппүт мунньаҕа киэҥ далааһыннаахтык ыытыллан элбэх дьиэ кэргэн кыттыыны ыла. Төрөппүт да өттүттэн иитээччилэр да өттүлэриттэн харда ыйытыыларга эппиэт ылан сүргэбит көтөҕүллэн астынан бириэмэбитин билбэккэ хааллыбыт. Баҕарыа этибит төрөппүттэрбитигэр сарсыҥҥыга эрэллээх, инниккигэ итэҕэллээх, ылсыбыт ымыы санааларбыт, туруоруммут сыалбыт туола турарыгар баҕара хааллыбыт иитээччилэр: Иванова Анна Васильевна, Горохова Гульнара Васильевна. 27.09.2026 сыл. #ЗолотинкаДетскийСад #Годдошкольногообразования #ГДОЯкутия #100лет #100летСтоличномуОбразованию #100летОбразованиюЯкутска