Алтынньы 14 күнэ – Бокуруоп таҥара – кыһыҥҥы дьылсаҕаланыыта. Бу күнү өбүгэлэрбит дьыл ...
Алтынньы 14 күнэ – Бокуруоп таҥара – кыһыҥҥы дьылсаҕаланыыта. Бу күнү өбүгэлэрбит дьыл кэлиитэ диэнбилинэн туран, Дьыл оҕуһа муустаах байҕалтан тахсыытынкытта ситимнииллэр. Сир-дойду барыта тоҥор. Сахалар оһохторун күүскэ оттор, бастакы идэһэни өлөрөр кэмнэрэ. Сорох күөллэргэ муускиһини уйар буолар, бастакы муҥха саҕаланар. Алтынньы 14 күнүттэн сааскы Ньукуолуҥҥа, ыам ыйын 22 күнүгэр, диэри 220 хонук баар Бокуруоп күнүн билгэтэ Бу күн хаардаатаҕына, сэтинньи ый 21 күнүгэр диэри кыһын кэлиитин 40 хонук күүтэллэр. Хотуттан тыалырдаҕына – тымныы кыһын, арҕааттан тыалырдаҕына – сылаас кыһын буолар. Онтон Бокуруоп күн сылаас күн-дьыл турдаҕына тымныы түһэрэ хойутуур, тымныйдаҕына – тымныы эрдэлиир. Былыргы сахалар дьылы ааҕыылара Балаҕан ыйын 7 күнүттэн алтынньы 14 күнүгэр диэри – күһүн. Алтынньы 14 күнүттэн ыам ыйын 22-гэр диэри – кыһын. Ыам ыйын 22 күнүттэн бэс ыйын 3 күнүгэр диэри – саас. Бэс ыйын 3 күнүттэн балаҕан ыйын 7-гэр диэри – сайын. Ирбэт хаар түстэ, кыстыкка үктэннибит, кыһыҥҥы күн саҕаланна. Сайыҥҥы Ньукуолаҕа дылы 220 хонук баар. Бокуруоп күн өбүгэлэрбит үгэстэрин тутуһан, сахалыы арыылаах алаадьынан кыстыкка киирбиппитин бэлиэтиири умнумуох туустаахпыт. Томороон тымныылаах кыһыммытын этэҥҥэ туоруур уустук боппуруос сыл аайы араастык турар, ону биһиги өбүгэлэрбит чуолкайдаан, анааран, аһы-таҥаһы хаһаананону ааҕан-суоттаан, олох мындырдарын тобулан этэҥҥэ туорууллар этэ. Барыгытыгар кырыа кыһыммытын этэҥҥэ саҕалаан сылаастык уонна доруобайдык сылдьан атаарыаҕыҥ диэн ыҥырабыт. Биһиги кырачаан Күнчээннэр кыһын кэлбитин таҥнар таҥастарбытыттан билсиһэн хаар туһунан сэһэргэһэн билистибит. Доруобайдык сылдьаары тыыныыга эрчиллиилэрбитин күүһүрдэргэ сананан саҕалаатыбыт. Хаары уруһуйдаан,тымныытын-сылааһын тутан-хабан билистибит. Ону тэҥэ кыһын кэтиллэр сылаас таҥастары көрөн, анал ааттарынан билэргэ уһуйулуннубут. Кырачааннарбыт сэргэх дьон саҥаттан –саҥа билиигэ баҕалара улаханыттан долгуйа үөрдүбүт. Воспитатель: Посельская В.И. #ЗолотинкаДетскийСад #Годдошкольногообразования #ГДОЯкутия #100лет #100летСтоличномуОбразованию #100летОбразованиюЯкутска