Ыам ыйын 19 күнүгэр Тойбохойбут арыытыгар, сылын ахсын ыытыллар куустаннан «Сайылык оҕо... — 20 мая 2026 г. в 04:41:46.174
Ыам ыйын 19 күнүгэр Тойбохойбут арыытыгар, сылын ахсын ыытыллар куустаннан «Сайылык оҕолорун оонньуулара» буолан ааста. Ол курдук Уһун Күөлтэн, Маар Күөлтэн, Дьаархантан уонна Аллыҥаттан оҕолор кэлэннэр сибиэһэй салгыҥҥа үөрэн-көтөн кыттан бардылар. Биһиги уһуйаантан бэлэмнэнии бөлөх оҕолоруттан 9 оҕо көхтөөх кыттыыны ыллылар. Күрэх 7 көрүҥнээх уонна оҕолорбут ситиhиилэрэ: 1. «Кириэс тэбии» - Тихонов Давид 2 миэстэ; 2. «Куобахтааhын»; 3. «Түү мээчигинэн сыалы таба быраҕыы» - Николаева Каролина 3 миэстэ; 4. «Ойбонтон уулааhын» - Егоров Матвей 3 миэстэ, Васильева Саша 3 миэстэ; 5. «Хабылык»; 6. «Тургэн кубик» - Тихонов Давид 1 миэстэ, Егоров Матвей 3 миэстэ, Васильева Саша 2 миэстэ, Николаева Каролина 3 миэстэ; 7. «Эстафета» Талыллыбыт оҕолор ыам ыйын 21 күнүгэр Сунтаарга улуустааҕы «Сайылык оҕолорун оонньуулара» куустаннан хамаанда буолан кытта барыахтара. Оҕолорбутугар ситиhиилэри баҕарабыт Ыам ыйын 20 күнүгэр бэлэмнэнии бөлөх оҕолоро оскуолаҕа ыалдьыттаан кэллилэр. Оҕолору учууталлара Раиса Михайловна көрсөн, оскуола иhинэн экскурсия ыытта. Оскуолаҕа паартаҕа хайдах олорору, үөрэнээччи хайдах тутта-хапта сылдьарын, уруок перемена төһө уһунун билиһиннэрдэ. Быйылгы 4 кылааhы бутэрээри сылдьар үөрэнээччилэр оҕолорго ырыа ыллан уонна хоhоон этэн иhитиннэрдилэр. Бүтэhигэр бэйэлэрэ оҥорбут открыткаларын, харандаас уонна чупа-чупс туттардылар. Оҕолор үөрэн-көтөн оскуолаҕа күһүн барыахпыт диэн ыра санаалаах кэллилэр. Иитээччилэр: Трофимова С.Г., Петрова И.Н.