Ыам ыйын 23 күнүгэр Арассыыйа норуоттарын сомоҕолоһууларын, Саха Өрөспүүбүлүкэтигэр кул... — 24 мая 2026 г. в 04:36:06.740
Ыам ыйын 23 күнүгэр Арассыыйа норуоттарын сомоҕолоһууларын, Саха Өрөспүүбүлүкэтигэр култуура, Ньурба оройуонугар спорт сылларын чэрчилэринэн, Ньурбалар киэн туттар киһибит Саха Республикатын Сэбиэтин 3 тɵгүллээх, Судаарыстыбаннай Мунньах (Ил-Түмэн) депутата, Саха Республикатын норуотун хаһаайыстыбатын үтүɵлээх үлэһитэ, республика норуотун үɵрэҕириитин, доруобуйа харыстабылын уонна авиация туйгуна, Саха Республикатын, Ньурба, Муома, Горнай, Абый улуустарын уонна тɵрɵɵбүт ɵдэйин нэһилиэгин бочуоттаах олохтооҕо дьон-сэргэ, республика билиниитин ылбыт ытык салайааччы Варвара Андреевна Петрова тɵрɵɵбүтэ 90 сылыгар аналлаах үбүлүɵйдээх тэрээһиннэр чэрчилэринэн, кини сырдык аатыгар ыытыллар “Үгэс уонна аныгы кэм” муода фестивалын иккис түһүмэҕэ Үөдэй нэһилиэгэр ыытылынна. Бу фестиваль эрдэ кэтэхтэн көрүү быһыытынан ыытыллан, бүгүн Үөдэй нэһилиэгэр финалистар ыҥырыллан кыттааччылар таҥастарын дефилелаан көрдөрдүлэр. Ыраахтан-чугастан барыта холбоон 15 кыттааччы бэйэлэрин кыахтарын холоннулар. Фестиваль түмүгүнэн "Үгэс уонна аныгы кэм" номинацияҕа Малдьаҕар оскуолатын педагог-бибилэтиэкэрэ, технологияҕа, уруһуйга учуутала Алексеева Людмила Николаевна I ҮРДЭЛГЭ тахсан 15000 солк. В.А.Петрова аатынан Үөдэйдээҕи алын сүһүөх оскуола-уһуйаан кэллэктиибэ туруорбут бирииһинэн наҕараадаланна! Людмила Николаевнабытын үрдүк ситиһиитинэн эҕэрдэлиибит, баҕарабыт айар дьоҕуруҥ улам арыллан, сайдан иһэригэр, ситиһиилэр кэлэ туралларыгар! ⤵⤵⤵ https://vk.com/wall-219285945_3801