Кэрэни айар, үгэһи үйэтитэр – «Үрүҥ көмүс ситим – 2026!» — 8 апреля 2026 г. в 10:24:10.546
Кэрэни айар, үгэһи үйэтитэр – «Үрүҥ көмүс ситим – 2026!» Муус устар 7 күнүгэр, 14:00 чаастан, Үөһээ Бүлүү «Тускул» оҕо искусство оскуолатын иһинэн эбии үөрэхтээһин киинэ тэрийэн ыытар сахалыы таҥас, уран иис уонна аныгы муода бииргэ мунньустар мааны түһүлгэтэ – «Үрүҥ көмүс ситим – 2026» куонкурус XXIV төгүлүн ыытылынна. Бу куонкурус – өбүгэбит үйэлээх үгэһин аныгы кэмҥэ саҥа тыынынан симээн, киэҥ эйгэҕэ таһаарар кэрэ түһүлгэ. Кэрэ-мааны кыттааччылар, бүппэт түбүктээх тэрийэччилэр уонна ырааххтан-чугастан ыҥырыллан кэлбит ытык-мааны ыалдьыттарбыт сахалыы таҥаһы аныгылыы моданы кытта дьүөрэлээбит дьикти халыыптары, уран иистэнньэҥнэрбит уонна айар куттаах эдэр талааннарбыт үлэлэри, өбүгэбит суолун-ииһин утумнуур, аныгы технологияны кытта сибээстиир кэрэ көстүүнү бүгүн үрдүк сыанаҕа сөҕө-махтайа, кэрэхсии көрдүлэр, сонуннук таҥнарга, симэнэргэ саҥаттан саҥа идеялары ыллылар. Куонкурус дьүүллүүр сүбэтигэр Үөһээ Бүлүү улууһун уонна Саха сирин киэн туттар маастардара, иистэнньэҥнэрэ үлэлээн, талааннаах кыттааччылары сыаналаатылар: 1. Ирина Павлова -- дьүүллүүр сүбэ бэрэссэдээтэлэ, Үөһээ Бүлүү улууһун норуот маастара, Саха Өрөспүүбүлүкэтин «Художественнай промыселларын норуодунай маастара»; 2. Чилиэннэр: Вероника Николаева – иистэнньэҥ, өрөспүүбүлүкэтээҕи куонкурустар кыайыылаахтара; 3. Туйаара Васильева – «Тускул» оҕо айымньытын киинин педагога. «Муоданы – дьон тарбаҕынан айыллар дьикти эйгэ» дииллэр. Бүгүн биһиги бу эйгэни кытта билистибит, саҥа сулустар умайаларын көрдүбүт. Биһиги уһуйааммытыттан Филиппова Альбина Александровна тикпит коллекциятынан кыттан 1лауреат буолан паровой утюг,, КЭСКИЛ ОҺУОРДАРА.. Бөлөххө бэлэх ыллыбыт. Мугурова Элла, Иванова Сайыына бастыҥ дефиле хаамааччылар үрдүк ааты ыламмыт үөрүүбут муҥура суох. #МБДОУ ЦРР-Д /С«Кэскил»