Олунньу ый 13 күнүгэр Төрөөбут тѳрүт тыл уонна сурук-бичик күнүн чэрчитинэн «Сайдар с... — 15 февраля 2026 г. в 05:48:50.926
Олунньу ый 13 күнүгэр Төрөөбут тѳрүт тыл уонна сурук-бичик күнүн чэрчитинэн «Сайдар саргылаах сахам тыла» диэн оскуолаҕа киириэн иннинээҕи үөрэхтээһин үлэһиттэрин, төрөппүттэрин, оскуола алын сүһүөх учууталларын, оройуоннааҕы киин библиотека исписэлииһин, уопсастыбаннай түмсүүлэр кыттыылаах. Ньурба куоратыгар "Кэскил" уһуйааҥҥа оройуоннаа5ы сугулаан буолан ааста. Сугулаан сыала-соруга: оскуола иннинээҕи саастаах оҕолорго уонна алын кылаас үөрэнээччилэригэр төрөөбүт тылы, төрүт култуураны иҥэриигэ үөрэх тэрилтэлэрин, төрөппүттэри, библиотеканы уонна уопсастыбаннаһы сомоҕолоон, сайдар ситими тэрийии буолар. Сугулаан үөрүүлээх арыллыытыгар кытыыны ыллылар: Антоновкатааҕы Александр Гаврилович Габышев аатынан оҕону сайыннарар киин «Сыккыс» бөлөх оҕолоро, Ньурба куоратын «Родничок» оҕо саадын иитиллээччилэрэ, «Кэскил» оҕо саадын иитиллээччитэ Васильева Элона. Эҕэрдэ тыл эттилэр Наталья Семеновна Петрова, Ньурба оройуонун баһылыгын социальнай боппуруостарга солбуйааччы, Федор Федорович Ушканов, Ньурба оройуонун үөрэҕирии управлениятын начальнига уонна Анна Николаевна Иванова, Ньурба куоратын «Кэскил» оҕону сайыннарар киин сэбиэдиссэйэ. Сугулаан кыттааччылара төрөөбүт тылынан иитии-үөрэтии эйгэтин тэрийиигэ бары хайысхаларын арыйан сырдаттылар, ол курдук "Дьиэ кэргэҥҥэ оҕону сахалыы иитии" Александрова Татьяна Егоровна, «Сайдам тыл» түмсүү чилиэнэ, "Үөрэх тылын сайдар эйгэтэ" сийиэс матырыйаалыттан Иванова Анна Николаевна, Ньурба куоратын «Кэскил» оҕону сайыннарар киин сэбиэдиссэйэ , Өрөспүүбүлүкэтээҕи саха тылын, литературатын уонна култууратын учууталларын III сийиэһин делегата. Уонна да элбэх араас ньымалардаах, хайысхалаах үлэлэрин үллэһиннилэр алын сүһұөх учууталлара, киин библиотека исписэлииһэ Ирина Ивановна Павлова, уһуйаан сэбиэдиссэйдэрэ, иитээччилэрэ, исписэлиистэрэ. Биһиги уһуйаантан кыттыыны ыллылар: "Кэскил аартыга" - а5алар түмсүүлэрин үлэтин сырдатыы" тиэмэнэн Варламова Лидия Римовна - бырайыак салайааччыта, Скрябин Иннокентий Романович, а5алар түмсүүлэрин бэрэссэдээтэлэ, "Күүс кута" оҕо этин – хаанын сайыннарыы" - Дмитриева Анна Александровна, музыкальнай салайааччы, Петрова Ольга Николаевна, о5о этин-сиинин сайыннарар инструктор. Сугулаан үлэтин тумуктээтэ Елена Мартыновна Котоконова, Ньурба оройуонун үөрэҕирии управлениятын начальнигы солбуйааччы. Итии истиҥ махтал тылларын. тиэрдэбит тэрээһиңңэ көхтөөх кыттыыны ылбыт бары үлэһиттэрбитигэр, ыҥырыылаах ыалдьыттарбытыгар, санаа үллэстибит бука бары кэллиэгэлэрбитигэр, үөрэх, култуура салаатын үлэһиттэригэр. Эһигини кытары өрүү ситиһии сиэттистиң сахабыт тыла - үйэлээх баайбыт буоларын умнумуоххайың!