МБДОУ ЦРР-д/с "Кустук" им. Смирникова В.В. с. Телей-Диринг"
Лайфстайл · 15 мая 2026 г.
"Кустукчаана Куо уонна Үрүҥ Уолан 2026 сыл" — 15 мая 2026 г. в 01:33:13.863
"Кустукчаана Куо уонна Үрүҥ Уолан 2026 сыл" Арассыыйа5а "сомо5олоҺуу", Саха Өрөспүүбүлүкэтигэр "култуура" сылыгар аналлаах "Кустук" уҺуйаан бэлэмнэнии бөлөх оҕолоругар сылын ахсын ыытыллар "Кустукчаана Куо 2026" уонна "Үрүҥ Уолан 2026" ыам ыйын 7 күнүгэр, Төлөй нэҺилиэгин А.С. Бродников аатынан аартык норуот айымньытын дьиэтигэр бэрт сэргэхтик буолан ааста. Саха нарын кыыһын, эркин курдук эрэнэр уол оҕо дьоҕурдарын, талааннарын, сатабылларын көрдөрүү, киэҥ көрүүгэ-истиигэ таһаарыы бу күрэх сүрүн сыалынан буолла. Күрэххэ 3 кыыс уонна 3 уол илин-кэлин түҺүстүлэр. Күрэх түөрт түҺүмэҕинэн ааста: 1. Бэйэни билиҺиннэрии 2. Талба талаан 3. күүс – уох өттүн тургутан көрүүгэ сахалыы төрүт оонньуулар. 4. Билиини – көрүүнү тургутан көрүүгэ – араас ыйытыктарга хоруйдаатылар 5. Харах иҥнэр кэрэтэ, санаа иҥнэр абылаҥа түһүмэххэ вальс үҥкүүлээтилэр. Бары кыттааччылар бииртэн биир үчүгэй нүөмэри көрдөрөн көрөөччүлэри, дьүүллүүр сүбэни сөхтөрдүлэр, сонунтан сонун сатабылларынан соһуттулар, талааннарын таһааран үөртүлэр. Күрэххэ дьүллүүр сүбэлэринэн буоллулар: 1. Степан Тихонович Захаров аатынан Төлөй орто оскуолатын алын кылааҺын учуутала, саха сирин үөрэҕириитин туйгуна, быйылгы выпускниктар маҥнайгы учууталлара Лаврентьева Наталья Дмитриевна. 2. Ай-тал модельнай библиотека сүрүннүүр специалиҺа Попова Снежана Егоровна. 3. А.С.Бродников аатынан аартык НАДь уус-уран салайааччыта Соловьев Айтал Альбертович. Күрэх тэтимнээхтик, үрдүк таҺымнаахтык ааста, ол түмүгүнэн Кыргыттарга: Кустукчаана Куо 2026 - Дагданча Куннэй, Мичийээнэ Куо - Ильина Санаайа, Нарыйаана Куо - Амелия Романова Уолаттарга: Үрүҥ Уолан 2026 - Ольгерд Максимов, Бэргэн Уолан - Никита Токпоков, Дьоҕурдаах Уолан - Айсиэн Борисов ылары ситистилэр. Күрэх үрдүк таһымҥа барарыгар уонна кыттааччылар түһүмэхтэргэ бэлэмнэнэн киириилэригэр бириэмэ биэрэн ыллаан – туойан, үҥкүүлээн киэргэттилэр "Күнчээн" кыра бөлөх оҕолоро уонна "Кыталык" улахан бөлөх оҕолоро. Тэрийээччилэр ааттарыттан бары спонсордарбытыгар, аартык норуот айымньытын дьиэтин үлэҺиттэригэр, күрэххэ кыттыбыт оҕолорбутугар уонна кинилэр төрөппүттэригэр, дьүүллүүр сүбэҕэ уонна күндү көрөөччүлэрбитигэр барҕа махталбытын тиэрдэбит.