"Ньургуһун" уһуйаан 18 иитиллээччини оскуолаҕа атаарда – Талааннары бэлиэтээһин уонна ү... — 8 июня 2026 г. в 00:36:46.531
"Ньургуһун" уһуйаан 18 иитиллээччини оскуолаҕа атаарда – Талааннары бэлиэтээһин уонна үтүө үлэҕэ махтал! Ыам ыйын 27 күнүгэр, "Ньургуһун" уһуйааҥҥа кэнчээри ыччат олоҕун биир саамай дьоллоох, умнуллубат түгэнэ – 18 иитиллээччини оскуолаҕа атаарыыга аналлаах үөрүүлээх выпускной баал буолла. Бу күн "Чуораанчык" бөлөх выпускниктара биир бастакы үөрэх дьиэлэриттэн, инники олохторугар саҥа хардыыны оҥордулар. Үөрүүлээх тэрээһин үрдүк таһымнаахтык ыытылынна, элбэх махтал, үөрүү уонна киэн туттуу тыллара этилиннилэр. Бу дьоро киэһэҕэ, оҕолор эрэ буолбакка, үлэһиттэр эмиэ сыралаах үлэлэрин иһин бэлиэтэннилэр, истиҥ махтал тылларын ыллылар. "Саха Республикатын үөрэҕириитин бочуоттаах попечителэ" Мария Ильинична Прокопьева анал стипендиятын "Чуораанчык" бөлөх иитээччитэ Татьяна Николаевна Парфенова ылла. Бу наҕараада Татьяна Николаевна оҕоҕо биэрбит сыратын, тапталын, билиитин-көрүүтүн уонна педагогическай маастарыстыбатын үрдүк сыанабыла буолла. "Чуораанчык" бөлөх выпускнига Кирик Кривошапкин – Мария Ильинична аатынан стипендиат аатын ылла. "Алгыс эбээ түмсүүтүн" стипендиятын "Чуораанчык" бөлөх биир саамай кэскиллээх выпускнига Никифоров Эрэл ылла. Бу стипендия Эрэл инники олоҕор, үөрэҕэр күүс-көмө, ытык алгыс буолуоҕа диэн эрэнэбит. Үлэһит дьону өйөөһүн, сыралаах үлэҕэ махтал – хаһан баҕарар суолталаах. "Саха Республикатын норуотун хаһаайыстыбатын үтүөлээх үлэһитэ" Ульяна Николаевна Атласова тех. үлэһиттэргэ анаан олохтообут стипендиятын "Ньургуһун" уһуйаан повара Ньургуйаана Николаевна Кампеева буолла. Бу – хас биирдии үлэһит, тулалыыр эйгэ чөл туругар киллэрэр кылаата олус суолталааҕын бэлиэтэ. Ырыаҕа уһулуччу ситиһиилэрин иһин, "Чуораанчык" бөлөх выпускницата Яковлева Мичийээнэ Деляева Анастасия Семеновна анал стипендиятын ылары ситистэ. Мичийээнэ дьоҕура инникитин өссө сайдан, киэҥ эйгэҕэ тахсыан баҕарабыт! 18 иитиллээччи аҕатын уонна ийэтин алгыһын ылан, үөрүүлээхтик оскуолаҕа ананан, үрдүк таһымнаахтык тэриллибит баҥкыат кэнниттэн, оҕо саастарын саамай сырдык кэмнэрин хааллардылар.