Оройуоннааҕы үөрэх дьылын түмүктүүр остуол тенниһин күрэҕэ тэрилиннэ. Бу күрэххэ бэлэмн... — 19 мая 2026 г. в 01:59:24.056
Оройуоннааҕы үөрэх дьылын түмүктүүр остуол тенниһин күрэҕэ тэрилиннэ. Бу күрэххэ бэлэмнэнии бөлөҕүн иитиллээччилэрэ, Кривошапкина Каролина уонна Никифоров Эрэл көхтөөхтүк кыттан, дьоһуннаах ситиһиилэринэн дьоллоннулар! Күрдьүргэннээх күрэхтэһии кэнниттэн Кривошапкина Каролина 1-2 кылаас оҕолорун ортотугар киирсиилээх оонньуулары көрдөрөн, III бочуоттаах миэстэни ылары ситистэ! Бу Каролина кыайыыта – кини дьулуурун, эрчимин уонна оонньууга анаммыт тапталын кэрэһитэ. Киэн туттабыт Каролинабытынан! Онтон бастыҥ уолбут Никифоров Эрэл күрэхтэһиигэ саамай эдэр кыттааччы буолан "За победу" (Кыайыы иһин) номинацияны ылары ситистэ! Эрэл, бэйэтин кыаҕын уонна дьулуурун көрдөрөн, кэскиллээх спортсмен буоларын дакаастаата. Бу номинация кинини инникитин өссө бөҕөргөтөн, саҥа кыайыыларга ыҥырыаҕа диэн эрэнэбит! Оҕолорбут бу үрдүк ситиһиилэрэ, биллэн туран, кинилэри үөрэппит-такайбыт, сатабылга уһуйбут талааннаах тренердэрэ Елена Алексеевна үтүө үлэтин түмүгэ. Елена Алексеевнаҕа, оҕолорго иҥэрбит дьоҕурун уонна дьулуурун иһин, истиҥ махталбытын, эҕэрдэбитин тиэрдэбит! Өссө да элбэх ситиһиилэри, үрдүк чыпчааллары баҕарабыт!