☀️☀️☀️Ыам ыйын 15 күнүгэр, Аан дойдуга Дьиэ кэргэн күнүнэн, "Чуораанчык" бөлөх иитиллээ... — 19 мая 2026 г. в 00:50:27.771
☀️☀️☀️Ыам ыйын 15 күнүгэр, Аан дойдуга Дьиэ кэргэн күнүнэн, "Чуораанчык" бөлөх иитиллээччилэрэ дьиэ кэргэӈӈэ аналлаах тэрээһини ыытан, хас биирдии киһи сүрэҕэр сырдык уоту умаппыттарынан үөрэбит! Бу күн оҕолор "Ураты дьарыктаах дьиэ кэргэн" диэн темаҕа бэйэлэрин көҕүлээһиннэринэн, дьиэ кэргэттэрин сөбүлүүр дьарыктарын билиһиннэрдилэр. Хас биирдии дьиэ кэргэн туспа эйгэлээх, ураты дьоҕурдаах буоларын оҕолор дьоһуннаахтык кэпсээтилэр, көрдөрдүлэр. Сорохтор иистэрин-уустарын, аһы-үөлү астыыр сатабылларын, үгүстэр тыаҕа-хонууга тапталларын сынньалаӈы дьүөрэлииллэрин, спорка ситиһиилэрин тиэртилэр. Оҕолор бу кэпсээннэрэ дьиэ кэргэн иллээх буолуутун, бэйэ-бэйэни өйдөһүүтүн, уопсай дьарыктаах буолуу суолтатын өссө бигэргэттэ. Ону таһынан, оҕолор дьиэ кэргэннэрин ойуулаан, "Мин дьиэ кэргэним" диэн уруһуй быыстапкатын тэрийдилэр. Хас биирдии уруһуйга оҕо дьиэ кэргэҥҥэ анаммыт истиҥ, сырдык санаата, таптала толору көстөн турара киһини үөрдэр. Тэрээһин түмүгэр, оҕолор дьиэ кэргэн сырдык символын – "Ромашка"🌼🌼🌼 сибэккини ис сүрэхтэриттэн оҥордулар. Бу сибэкки хас биирдии үрүҥ лабаата дьиэ кэргэн чилиэннэрин бэлиэтиир. Оҕолор оҥорбут "Ромашкалара" кинилэр тапталлаах дьиэ кэргэннэригэр анаммыт сырдык, ыраас уонна истиҥ баҕа санааларын туоһута буолла. ❤️❤️❤️Дьиэ кэргэн – хас биирдии киһи олоҕун тирэҕэ, онон итинник үтүө түгэннэр кэлэр көлүөнэбитигэр тапталы, өйдөһүүнү уонна дьолу иитэллэр.