Үрүӈ тунах Ыһыах дьоро күнүгэр -"Ньургуһун" уһуйаан педагога Розалия Михайловна киэн ту... — 28 июня 2026 г. в 14:17:27.817
Үрүӈ тунах Ыһыах дьоро күнүгэр -"Ньургуһун" уһуйаан педагога Розалия Михайловна киэн туттар кыайыыта! 2026 сыл – Арассыыйаҕа Норуоттар сомоҕолоһууларын, Саха сиригэр Култуура, Ньурба оройуонугар Успуорт сылларынан бэлиэтэнэр. Бу үтүө сыллар чэрчитинэн, элбэх дьоһуннаах тэрээһиннэр ыытыллаллар. Олортон биирдэстэрэ – Таркаайы нэһилиэгин төрүттэммитэ 190 сылыгар, ону тэҥэ Хатыҥ-Сыһыы 130 үбүлүөйдээх сылыгар анаммыт Үрүҥ тунах Ыһыах буолла. Бу нэһилиэккэ буолбут Үрүҥ тунах Ыһыах – киэҥ тэрээһининэн, дьоһуннаах бырагыраамматынан киһини умсугутар, өйгө-санааҕа дириҥ суолу хаалларар. Ыһыах үгэс буолбут көрдөрүүлэригэр эбии, "Дьэргэлгитэр дэгэрэҥ" диэн анал байыаннай дьайыы кыттыылааҕын өйүүр тэрээһин ыытыллан, кэлбит дьону барыларын сүргэлэрин өрө көтөхтө. Ыһыах сүрүн кэрэхсэбилинэн биһиги улууспут тапталлаах ырыаһытын, Таркаайы нэһилиэгин ымыылаах ырыаһыта Аммосов Алексей Григорьевич сырдык аатын үйэтитэр Региональнай аһаҕас ырыа күрэҕэ буолла. Бу күрэххэ өрөспүүбүлүкэ араас муннугуттан талааннаах ырыаһыттар кыттыыны ылан, саха ырыатын күүһүн-уоҕун, дэгэттин-хоһуутун көрдөрдүлэр. Түмүгэр, биһиги, "Ньургуһун" уһуйааммыт педагога, ырыаҕа ымсыылаах, талааннаах Розалия Михайловна күрэххэ I үрдэл кыайыылааҕынан буолан, сүрүн бирииһи – саҥа холодильнигы туттан үөрдэ! Розалия Михайловна – бу кыайыыта, кини төрөөбүт дойдутугар, төрүт култууратыгар дириҥ тапталын, ырыага анаммыт талаанын үрдүк бэлиэтэ. Кини кыайыыта – "Ньургуһун" уһуйаан кэллэктиибин барыларыгар үөрүү уонна киэн туттуу. Ону сэргэ, бу кыайыы – оҕолорго да, кэлэр көлүөнэҕэ да саха ырыатын үйэтитиҥ, талааҥҥытын сайыннарар туһугар утумнаахтык үлэлээҥ диэн улахан холобур буолар. Розалия Михайловнаҕа өссө да элбэх ситиһиилэри, айар үлэҕэ кыайыылары баҕарабыт! Саха ырыата өрүү чуордук дуорайдын!