Кулун тутар 26-28 күннэригэр А.Е.Кулаковскай аатынан Норуоттар доҕордоһууларын дьиэтигэ...
Кулун тутар 26-28 күннэригэр А.Е.Кулаковскай аатынан Норуоттар доҕордоһууларын дьиэтигэр XXIX төгүлүн ыытыллар «Олоҥхо дойдутун оҕотобун” бэстибээл олоҥхоһут П.П. Ядрихинскай - Бэдьээлэ 125 сылыгар ананан уһуйаан, оскуола оҕолорун ортолоругар олоҥхону олоҕурбут ньыманан бөлөҕүнэн уонна биирдиилээн толорууга, чинчийиигэ сүүрбэ тохсус төгүлүн тэрээһиннээхтик буолан ааста. Бэстибээлгэ Амма, Таатта, Чурапчы, Уус Алдан, Мэҥэ Хаҥалас, Горнай, Нам, Бүлүү, Ньурба, Кэбээйи, Муома улуустарыттан олоҥхону толорор уонна чинчийэр оҕолор, уһуйааччылар бэрт сэргэхтик кэлэн кыттыыны ыллылар. Ол иһигэр, детсад оҕолоругар – 16 бөлөххө 127 олоҥхону толорооччу, 11 биирдиилээн толорооччу кытынна. Детсад оҕолоругар барыта - 138 оҕо кыттыыны ылла. Бэстибээлгэ үгэс быһыытынан олоҥхону толоруу утумун салҕааһыҥҥа, толоруу сатабылын, оҕо айар дьоҕурун сайыннарыыга уонна тарҕатыыга улахан суолта ууруллар. Бэстибээл саҥа талааннары арыйар. Олонхо иитэр-үөрэтэр өрүттэрин, саха оҕотун иитиигэ, сүрүн ньыма быһыытынан туһаныы олоххо киирэрин туһугар дьулуһар. Дьүүллүүр сүбэҕэ үлэлээтилэр: Попова Г.С., п.н.к., М.К. Аммосов аатынан ХИФУ профессора, доцент; Данилова А.Н., ф.н.к., ГЧ уонна ХААНПИ научнай сотруднига; Протодьяконова Е.Н., Сысолятина З.Г., Флегонтова У.М. научнай методическай уонна тас сибээскэ үлэҕэ Олоҥхо Киинин сүрүннүүр специалистара. Оҕо уһуйаан сааһыттан олоҥхону толорорго холоноро кэлиҥҥи кэмҥэ элбээн иһэрин бэлиэтээтилэр. Бу конкурска "Ньургуһун" уьуйааммытыттан Кирик Кривошапкин биирдиилээн толорооччуларга П.А.Ойуунускай " Дьулуруйар Ньургун Боотур" олоӈхотун толорон " Бастыӈ толорооччу " 2- с таһымын ылары ситистэ.