2026 сыл алтыньы ый 6 күнүгэр киэн туттар биир дойдулаахпыт педагогика түмэлин, норуот ...
2026 сыл алтыньы ый 6 күнүгэр киэн туттар биир дойдулаахпыт педагогика түмэлин, норуот педагогикатын түмсүүтүн төрүттээччи, историк, кыраайы үөрэтээччи Кирилл Кириллович Пермяков төрөөбүтэ 100 сылыгар аналлаах “Биир тыыҥҥа түмсэн, күүспүтүн холбуоҕуҥ” улуустааҕы научнай-практическай кэмпириэнсийэ И.М.Павлов аатынан Чурапчы орто оскуолатыгар буоллан ааста. Сыала-соруга оҕону иитэр-үөрэтэр көдьүүстээх үлэни туһанар, үүнэр көлүөнэни иитиигэ туспа, сонун, суоллаах-иистээх төрөппүттэр уонна үөрэх эйгэтин үлэһиттэрин баай уопуттарын тарҕатыы уонна билиһиннэрии. Бу бэлиэ күҥҥэ үлэ түөрт хайысханан ыытыллынна: “Төрүччү үөрэҕэ” (аймах дьон историята, удьуор утум, өбүгэлэр үгэстэрэ); “Оҕону үлэ үөрүйэхтэригэр иитии” (тыа сирин олоҕо-дьаһаҕа , идэҕэ туһаайыы, сатабыллары иҥэрии); “Айыы сиэрэ-айылҕаны харыстааһын” (экология култуурата, сахалыы сиэр-туом, айылҕаҕа харыстабыллаах сыһыан); “Норуот педагогиката – оҕону иитиигэ” (өбүгэ үөрэҕин аныгы кэмҥэ туттуу, олоххо киллэри). Чурапчы улууһун Мугудай, Хатылы, Бахсы, Уһун-Күөл, Улахан-Күөл, Одьулуун, Чурачы нэһилиэктэриттэн барыта 37 педагог, иитээччи уонна төрөппүт кыттыыны ылла. Кэмпириэнсийэ үөрүүлээх аһыллыытыгар К.К.Пермяков аатынан педагогичнскэй түмэл үлэһитэ Екатерина Иннокентьевна Егорова, Чурапчы улууһун үөрэҕин салалтатын салайааччытын солбуйааччыта Алена Борисовна Моисеева тыл эттилэр, С.А.Новгородов аатынан Чурапчы орто оскуолатын үөрэнээччилэрэ “Биир тыыҥҥа түмсэн, күүспүтүн холбуоҕуҥ” дьүһүйүүнэн киэргэттилэр. Үлэлэр хаачыстыбаларын, кыайыылаахтары быһаарар дьүүллүүр сүбэ: Чурапчы улууһун үөрэҕин салалтатын сппециалиһа - Хоютанова Екатерина Романовна; Педагогическай үлэ бэтэрээнэ – Прибылых Александра Захаровна; “Туллукчаан” уһуйаан тьютора – Макарова Анна Николаевна; К.К.Пемяков аатынан педагогическай түмэл үлэһитэ – Чечебутова Кыыдаана Дмитриевна; Чурапчы улууһун төрөппүтүн түмсүүтүн бэрэссэдээтэлэ – Гладкина Прасковья Васильевна; С.А.Новгород аатынан Чурапчы орто оскуолатын историяҕа учуутала – Дьяконов Владимир Константинович. Кирилл Кириллович Пермяков сырдык аатыгар сүгүрүйэн туран, кини олоҕун, үлэтин үөрэтиигэ, чинчийиигэ анаммыт кэмпириэнсийэ түмүгэ: - «Төрүччү үөрэҕэ» (Аймах дьон историята, удьуор утум) 1м — Дорофеева-Ким Туйаара Михайловна, И.М.Павлов аатынан Чурапчы орто оскуолатын төрөппүтэ; 2м — Чахов Эрсан, Ефимова Елизавета Михайловна, В.С.Соловьев-Болот Боотур аатынан Хатылы орто оскуолатын төрөппүтэ уонна үөрэнээччитэ; 3м — Лукина Евдокия Спартаковна, Батарина Елена Сергеевна, «Мичил» оҕо саада-оҕону сайыннарар киин иитээччилэрэ. - «Оҕону үлэ үөрүйэхтэригэр иитии» (Тыа сирин олоҕо-дьаһаҕа, идэҕэ туһаайыы): 1м — Платонова Анастасия Викторовна, Р.И.Константинов аатынан Амма орто оскуолатын дириэктэрин сүбэһитэ; 2м — Собакина Прасковья Михайловна, Г.П.Башарин аатынан Сылаҥ орто оскуолатын дириэктэри иитэр үлэҕэ солбуйааччы; 3м — Данилова Елена Михайловна, Д.Д.Красильников аатынан Мугудай орто оскуолатын педагог-библиотекэрэ. - «Айыы сиэрэ — айылҕаны харыстааһын» (Экология култуурата, сахалыы сиэр-туом): 1м — Петров Афанасий Спиридонович, Р.И.Константинов аатынан Амма орто оскуолатын төрөппүтэ; 2м — Сандаара, Анна Алексеевна Павлуцкайдар, В.С.Соловьев-Болот Боотур аатынан Хатылы орто оскуолата үөрэнээччитэ уонна төрөппүтэ; 3м — Александрова Мария Владимировна, Одьулууннааҕы «Күнчээн» оҕо сайдар киинин сүрүннүүр иитээччитэ. - «Норуот педагогиката — оҕону иитиигэ» (Өбүгэ үөрэҕин аныгы кэмҥэ туттуу): 1м — С.А.Новгородов аатынан Чурапчы орто оскуолатын саха тылын уонна литературатын учууталларын методическай холбоһуга; 2м — Филиппова Анна Тарасовна, Хатылы «Ньургуһун» уһуйаанын иитээччитэ; 3м — Чичигинарова Айталина Николаевна, В.С.Соловьев-Болот Боотур аатынан Хатылы орто оскуолатын алын кылааһын учуутала. Кыайыылаахтарга эҕэрдэ 🤩👏🏻👏🏻👏🏻👏🏻