*Оскуола иннинээҕи саастаах уонна алын кылаас оҕолоругар «Саха сатабыл»Республикатааҕы ... — 19 мая 2026 г. в 13:05:37.227
*Оскуола иннинээҕи саастаах уонна алын кылаас оҕолоругар «Саха сатабыл»Республикатааҕы чемпионат түмүктэннэ* Бүгүн ыам ыйын 19 күнүгэр Өксөкү сиэннэрэ Бүтүн Арассыыйатааҕы “Орлята России” федеральнай бырайыак Саха сиринээҕи «Өксөкү сиэннэрэ» бырагыраама Уран уус хайысхатын чэрчитинэн ыытыллыбыт «Саха сатабыл» республикатааҕы чемпионат үөрүүлээх сабыллыыта буолла. Бу чемпионат Чурапчы улууһун үөрэҕин салалтатын уонна «Оҕо саас сирдьиттэрэ» республиканскай тирэх киин өйөбүллэринэн, Уһун Күөл "Сулусчаан" уһуйаанын көҕүлээһининэн тэрилиннэ. 🧑🏻🏭🧑🏻🍳Чемпионат үс хайысханан ыытылынна: «Иис», «Уус» уонна «Сахалыы астааһын». Оҕолор үлэлэрин туһааннаах экспердэр сыаналаатылар. 1. Уус хайысхатыгар: • Малышев А.Л., Саха сирин норуотун маастара, Саха Өрөспүүбүлүкэтин култууратын туйгуна, мас ууһа, чороон оҥорооччу; • Аммосов Э.В., Чурапчы улууһун үөрэҕин салалтатын оҕону иитии уонна эбии үөрэхтээһин сүрүннүүр специалиһэ; • Гурьев В.В., Чурапчытааҕы иитэн-үөрэтэр таһаарар киин маастара. 2. Сахалыы астааһын хайысхатыгар: • Атласов Н.В., «Тыгын Дархан» ресторан бренд шеф-повара, Саха сирин уонна Арктика кухняларын амбассадора; • Заровняева У.Н., повар-кондитер, урбаанньыт; • Максимова Н.М., Дьокуускай куорат национальнай гимназиятын алын сүһүөх учуутала, Саха Өрөспүүбүлүкэтин үөрэҕириитин туйгуна. 3. Иис хайысхатыгар: • Птицына Д.А., Мэҥэ-Хаҥалас улууһун Майа лицейын үрдүк категориялаах технология учуутала, Саха сирин норуотун маастара, Саха өрөспүүбүлүкэтин үөрэҕириитин туйгуна, «Молодые профессионалы»күрэх призердарын салайааччыта; • Алексеева С.Е., Чурапчы улууһун үөрэҕин салалтатын специалиһа; • Горохова Е.И., Чурапчы улууһугар иитэр үлэҕэ дириэктэр сүбэһиттэрин салайааччыта. Барыта 135 кыттааччы ол иһигэр 40 хамаанда Амма, Томпо, Таатта, Мэҥэ-Хаҥалас, Уус-Алдан, Сунтаар, Чурапчы, Кэбээйи улуустарыттан кыттыыны ыллылар. Тэрийээччилэр уонна экспертэр бэлиэтииллэринэн сылтан сыл аайы кыттааччылар бэлэмнэниилэрэ үрдүк таһымнаах буолан иһэр. Чемпионат уратытынан көлүөнэлэр биир ситимнээхтик үлэлээбиттэрэ буолар: оҕолор улахан дьонтон үөрэнэр, оттон төрөппүттэр өбүгэлэрбит үгэстэрин оҕолорго иҥэрэр кыахтаммыттара. Дипломнарынан наҕараадаламмыт кыайыылаахтарбытын эҕэрдэлиибит уонна төрүт дьарыкпытын сайыннарыыга кылааккыт иһин бары кыттааччыларга махтанабыт! Кэлэр сылга көрсүөххэ диэри 🤩👏🏻.