ЗамирАхсынньы 15 күнүгэр уһуйааммытыгар улахан суолталаах тэрээһин буолла. Бүтүн Арассы... — 30 декабря 2025 г. в 11:13:55.191
ЗамирАхсынньы 15 күнүгэр уһуйааммытыгар улахан суолталаах тэрээһин буолла. Бүтүн Арассыыйатааҕы “Орлята России” улахан бырайыак чэрчитинэн бэлэмнэнии бөлөх иитиллээччилэрэ "Өксөкү сиэннэрэ" " диэн ааттанан “Орлята России” кэккэтигэр киирэр үөрүүлээх күннэрэ ыытылынна.Тэрээһини Сатаҕайдааҕы Е.А.Шишигин аатынан орто оскуола Орлята России советниктара Никитина Ольга Николаевна уонна Аммосова Алена Михайловна тэһииннээн ыыттылар.. Долгутуулаах түгэҥҥэ кырачааннар хаалтыстары бааннылар уонна значоктары түөстэригэр иилиннилэр. Оҕолор бырайыак андаҕарын эттилэр, “Орлята России” гимнин иһиттилэр. Бырайыакка саҥа киирэр оҕолорго бу хамсааһын олус киэҥ ис хоһооннооҕун, оҕону патриотическай иитиигэ, тобуллаҕас өйдөөх, сымса-сытыы буоларга, айылҕаны харыстыырга, өбүгэ үгэһин тэнитэргэ иитэр-үөрэтэр сыаллааҕын, инники кэскиллээх бырайыак буоларын билиһиннэрдилэр. Өрөгөй чаас кэннэ оҕолор болҕомтолоох буоларга аналлааах оонньуулары оонньоотулар, флешмоб үҥкүүлээтилэр. Манан сүрэхтэнии үөрүүлээх тэрээһинэ түмүктэннэ. Уһуйааммыт иитиллээччилэрин “Өксөкү сиэннэрин” кэккэтигэр киирбиттэринэн эҕэрдэлиибит. Оҕолорбут инникигэ эрэллээх, билиигэ-көрүүгэ интэриэстээх, дойдуларыгар туһалаах дьон буола улаатыахтара диэн эрэнэбит.Бырайыак кэскиллээх уонна оҕону иитэр-үөрэтэр, сайыннарар үлэҕэ төһүү күүс буоллун!