🔴 Баһаартан куттал суох буолуутун хааччыйыы — хас биирдиибит эппиэтинэһэ! — 26 мая 2026 г. в 14:43:04.232
🔴 Баһаартан куттал суох буолуутун хааччыйыы — хас биирдиибит эппиэтинэһэ! 🌳🌲🔥 «Ойуур — биһиги баайбыт. Ойууру уоттан харыстыаҕыҥ!» — бу тыллары бары оҕо эрдэхпитинтэн билэбит уонна истэбит. Ол эрээри, сыл аайы саас уонна сайын куйаас күннэр турдулар да, ойуур баһаара тахса турар. Хомойуох иһин, баһаар үксүн дьон сыыһа-халты туттуутуттан, болҕомтото суоҕуттан тахсар! Улуустааҕы ыксаллаах быһыыны-майгыны сэрэтэр, туоратар уонна баһаартан куттал суох буолуутун хааччыйар хамыыһыйа ыҥырар уонна сэрэтэр: 🔹Дьон эппиэтинэһэ суох сыһыана улахан алдьархайга, тулалыыр эйгэбит кэхтиитигэр тиэрдэр. 🔹Сэрэҕэ суох табахтааһын уонна кутаа уоту көрүүтэ - истиитэ суох хаалларыы — баһаар тахсарыгар саамай сүрүн биричиинэлэр. ЫТЫКТАБЫЛЛААХ НАМ УЛУУҺУН ОЛОХТООХТОРО УОННА СЫННЬАНА, БАЛЫКТЫЫ, БУЛТУУ КЭЛЭР ЫАЛДЬЫТТАР! Айылҕабытын, уһун сыллар тухары үүммүт күөх нуоҕал ойуурбутун харыстыаҕыҥ! Сиэрдээхтик, харыстабыллаахтык сыһыаннаһыаҕыҥ! Өйдөөҥ: 🔹сэрэхтээх буолуу эһигиттэн элбэх бириэмэни ылыа суоҕа, ол эрээри улахан алдьархайтан быыһыа! 🔹Баһаартан куттал суох буолуутун быраабылаларын кэһии РФ сокуонунан көрүллүбүт административнай уонна уголовнай эппиэтинэскэ тиэрдэр. 🔹Ойуур баһаарын эбэтэр уот умайар бэлиэлэрин (буруо тахсыыта, сыт кэлиитэ уо.д.а.) көрдөххүтүнэ, тута биллэриҥ: 📞 Стационарнай телефон: 01 📱 Мобильнай телефон: 101, 112 ☎️ Намнааҕы ЕДДС: 8(41162) 42-508 ☎️ Намнааҕы лесничество: 8(41162) 42-355 «Нам улууһа» МО пресс-сулууспата