Ыам ыйын 21 кунугэр Норуот айымньытын киинигэр «Ыллыкчаан» уһуйаан иитиллээччилэрин уон... — 22 мая 2026 г. в 04:56:06.866
Ыам ыйын 21 кунугэр Норуот айымньытын киинигэр «Ыллыкчаан» уһуйаан иитиллээччилэрин уонна үлэһиттэрин отчуоттуур кэнсиэртэрэ буолла. Улахан сыанаҕа араас таһымнаах курэхтэргэ Гран-при, лауреат, дипломант урдук аатын ылбыт оҕолор араас ырыалара, үңкүүлэрэ тахсан керееччүлэр биһирэбиллэрин ыллылар. Кэнсиэри уһуйаан үлэһиттэрэ туруорбут «Хаар хотун» спектакллара арыйда, Спектакылы улаханныын-кыралыын иһийэн олорон кѳрдүлэр, биһирээтилэр. «Иитээччилэрбитигэр, детсад салалтатыгар уонна бары үлэһиттэригэр бар5а махтал, маннык үчүгэй концерды тэрийбиттэригэр, оҕолорбут улахан тэрээһиннээх концертка кыттан астынан ахан кэллилэр»; «Олох астык концерт кѳрѳн кэллим, сказка да кѳрдүм, араас ырыа, үңкүү, мода, оҕотуттан улаханыгар тиийэ бары кыттыбыттара кѳрѳргѳ үчүгэйин. Астык киэһэни бэлэхтээбит «Ыллыкчаан» оҕо уһуйааныгар улахан махтал, куруук оригинальнай»; «Бүгүн тапталлаах уһуйааммыт сыллааҕы үлэтин түмүктүүр концердыгар сылдьан астынан, үѳрэн, сынньанан кэллибит. Концерт үрдүк таһымнаахтык ааста, киһи болҕомтотун тардар, чаҕылхай ырыалары, үңкүүлэри кѳрдүбүт. Уһуйааммыт үлэһиттэрэ эчи бары талааннаахтарынан сѳхтѳрдѳ, дьиннээх театр артыыстарын курдуктар, таңастарын кэрэ кѳстүүтэ хараҕы сымнатар. Элбэх сыралаах улэттэн тахсыбыта кѳстѳр.» - диэн сылаас тылларынан тѳрѳппүттэр кэнсиэри биһирээбиттэрин биллэрдилэр. Тумуккэ сыллаа5ы уһуйаан үлэтигэр саамай кыттар тѳрѳппүттэргэ махтал сурук, сэмэй бэлэх туттарылынна. Уонна, кэлбит керееччулэргэ, бары күүппүт дьоллоох тугэннэрэ – лотерея оонньооһуна буолла. Самокат уонна электромотоцикл оонньоннулар, бириистэри киирии билиэтинэн икки кырачаан оҕолор ыланнар үѳрүү-кѳтүү аргыстаах буоллулар. Кэнсиэрди тэрийиигэ кѳмѳ буолан дьиэтин туран биэрбит Норуот айымньытын киинигэр «Ыллыкчаан» уһуйаан аатыттан махтанабыт, уонна биир сүбэннэн киирбит үбу – 33 тыһыынчаны – анал байыннай дьайыыга кѳмѳ фондатыгар угарга диэн быьаарынныбыт.