. Бүгүн муус устар 9 күнүгэр Д. С.Спиридонов аатынан Үөһээ Бүлүүтээҕи гимназияҕа улууст...
. Бүгүн муус устар 9 күнүгэр Д. С.Спиридонов аатынан Үөһээ Бүлүүтээҕи гимназияҕа улуустааҕы интеллектуальнай олимпиада оскуолаҕа киириэн иннинээҕи саастаах оҕолорго буолан ааста. Бу "Ситиһиигэ хардыылар" күрэх быйыл иккис төгүл ыытыллан, үгэскэ кубулуйда. Манна барыта 6 хамаанда кыттыыны ылла. Ирдэбил быһыытынан хамаандалар 6 -лыы оҕоттон (үс кыыс, үс уол ) турдулар. "Ыллыкчаан" икки хамаандата, "Солнышко", "Кэнчээри", "Сардаана", "Аленушка" уһуйаантан кииристилэр. Түөрт түһүмэҕинэн "Математика", "Саха тыла", "Нуучча тыла", "Тулалыыр эйгэ" сорудахтары толорон кыайыылаах биһиги "Ыллыкчаан" уһуйаан бастакы "Сулусчаан" хамаандата таҕыста. Иитээччилэрэ Нестерович Лена Васильевна, Харитонова Гульнара Степановна. Иккис -4#"Сардаана", үһүс #5"Кэнчээри" уһуйаан хамаандалара буоллулар. Барыта 36 оҕо кыттыбытыттан эмиэ биһиги иитиллээччибит, кыайыылаах хамаанда кыттыылааҕа Захарова Айсара "Муҥутуур кыайыылаах" аатын сүгэр чиэскэ тигистэ. Онон оҕолорбут ситиһиилэринэн киэн туттабыт. Инникитин да кинилэр иннилэригэр үөрэх сырдык аартыга үрдүккэ, кэрэҕэ, үтүөҕэ, билиигэ сирдии, угуйа турдун диэн алҕыыбыт!