Быйылгы үөрэх дьылыгар "Кэнчээри" бэлэмнэнии бөлөххө 20 иитиллээччилээх. Оҕолору уһуй...
Быйылгы үөрэх дьылыгар "Кэнчээри" бэлэмнэнии бөлөххө 20 иитиллээччилээх. Оҕолору уһуйаан ойууртан чугас турарын иитиигэ туһанан, айылҕаны кытта алтыһыыны ыкса сибээстээхтик ыытарга кыһанабыт. . Күһүн айылҕаҕа туох уларыйыы тахсыбытын илэ харахтарынан кэтээн көрөөрү экскурсияҕа иккитэ сырыттылар. Кыстыыр чыычаахтары аһатыыны күһүӈӈэттэн саҕалаатыбыт. Оҕолор чыычаахтары хайдах аһынан аһатыахтарын сөбүн туһунан билистилэр, дьиэлэриттэн уочаратынан ас аҕаларга кыһаналлар. Бастакынан Нюргуяналаах Арылхан араас сиэмэлэри аҕалан чыычаахтар остолобуойдарыгар уурдубут. . Дьиэ кэргэни эмиэ бу үлэҕэ көҕүлээн "Күһүӈӈү киһи күлбүтүнэн" хаартыска күрэҕин тэрийдибит. Манна оҕолор күһүӈӈү айылҕаҕа сынньаныылара, оҕуруот, сир аһын хомуйуу үлэтигэр кыттыспыт түгэннэрэ көһүннэ. Бу үлэбитин салгыы утумнаахтык ыытарга былааннанабыт. Иитээччилэр Гульнара Степановна Харитонова, Рея Ивановна Николаева