Бэлэмнэнии «Кэнчээри» бөлөх оҕолоруттан нэдиэлэтээҕи тэттик сонуннар.
Бэлэмнэнии «Кэнчээри» бөлөх оҕолоруттан нэдиэлэтээҕи тэттик сонуннар. Уһуйааҥҥа кэлэн оҕолор өй-санаа, эт –хаан өттүнэн сайдаллар. Онно күннээҕи режими тутуҺуу оруола улахан. Дьарыктар систиэмэлээхтик оҕону үөрэтэр, билиини биэрэр суолталаах бараллар. Ахсаан дьарыгар 1-6 чыыһыла састаабын, чыыһыланы тэҥнээн көрүү, өйү сайыннарар сорудахтары толордулар. Грамота дьарыгар буукубаны, дорҕоону чиҥэтии. Фишканан үлэ, хартыынанан тылы сайыннарар үлэлэр буоллулар. Оҕолор айар, уруһуйдуур дьоҕурдара киэҥ, фантазиялара үчүгэй ол курдук күһүҥҥү теманы түмүктүүр уруһуйга, лепкаҕа, аппликацияҕа үлэлэрэ айар дьоҕур истиэнэтигэр сырдатыллан истилэр. Иитэр-үөрэтэр үлэ былаан быһыытынан ыытыллаллар. Күн аайы прогулкаҕа тахсан сибиэһэй салгыҥҥа оонньооҺун, айылҕаны кэтээн көрүү, чыычаахтары аҺатыы тиҺигин быспакка ыытыллар. 12.10.26 Футбол күнүгэр презентация нөҥүө футбол историятын, экипировкатын, оонньуу быраабылатын билистибит, хамаанданан арахсан оонньоотубут. 13.10.26 Тыа хаьаайыстыбатын үлэҺиттэрин күнүн бэлиэтээтибит. “МаҕаҺыыҥҥа атыыланар оҕуруот астарын ким үүннэрэр? Үүт, эт астар хантан кэлэллэр?” ыйытыктарга толкуйдатыы, быҺаарсыы буолла. Тыа хаҺаайыстыбатын үлэҺиттэрин идэлэрин билистилэр. 14.10.26 Бокуруоп кунэ- Дьыл оҕуьун туһунан кэпсэттибит, С.Омоллоон остуоруйатын иһиттибит, хартыынанан үлэлээтибит, уруһуйдаатыбыт. 15.10 Аан дойдутааҕы ыраас илии күнүгэр аналлаах күн “Кирдээх илиилээх кыыс” туҺунан остуоруйа кэнниттэн, “Мыылаттан хайдах микробтар куоталлар?” экспериментирование онордулар, илиини сɵпкɵ суунуу алгоритмын билистилэр. 16.10.26 Саха сиригэр ийэлэр күннэринэн кэпсэтии. Утренникка анаан бэлэхтэри бэлэмнээҺин Ити курдук «Кэнчээри» бөлөх оҕолоро уһуйааҥҥа кэлэн саҥаны билэн, элбэххэ үөрэнэн, минньигэстик аһаан, ыллаан-туойан күн аайы сэргэхтик сылдьабыт, уһуйааммытын таптыыбыт. Иитээччилэр: Харитонова Г.С, Николаева Р.И.