🍃🌞Ньукуолун — саха киһитигэр саамай үөрүүлээх, күүтүүлээх күн. Ыам ыйын 22 күнүгэр, с... — 22 мая 2026 г. в 13:02:06.147
🍃🌞Ньукуолун — саха киһитигэр саамай үөрүүлээх, күүтүүлээх күн. Ыам ыйын 22 күнүгэр, сайыҥҥы дьылга үктэнэн, сайыҥҥы олохпут кэрчигэр, саҥа олоҕу түстүүбүт. Ньукуолуну хайдах көрсөрбүтүттэн бүтүн сайыммыт, олохпут туруга тутулуктаах диэн саха дьоно итэҕэйэр. 🌿Бу күн уһуйааммытыгар самаан сайын кэлбитинэн, илгэ-быйаҥ саҕаламмытынан, чээл күөх окко үктэммиппитинэн, от-мас чэлгийбитинэн «Сайыны көрсүү» тэрээһинэ олус сэргэхтик ыытылынна. Кырачааннарбытын саха төрүт үтүө үгэстэригэр иитэр сыаллаах уһуйааммыт тусаһатын төгүрүйэн араас элбэх түһүлгэлэр тэрилиннилэр. Оҕолор түөлбэлээн олорон астына-дуоһуйа алгыстаах алаадьынан күндүлэнэн, кус этин амсайан сайыммыт саҕаламмытын үөрэ-көтө көрүстүлэр. Самаан сайыны көрсө Эйэлээх халлаан анныгар Күн ырыатын истэммит Сургэбит көтөҕүлүннэ! Күммүт эбии күлүмнээтэ Күѳрэгэйбит ыллаата, Кѳччѳхпүтүн кѳтүтэ Күлбүтүнэн сайын кэллэ. Самаан сайыммыт барахсан Сырдыгы-ырааһы эрэ а5аллын, Дьол тосхойдун, Туску туһаайдын, Мичил билистин, Айхал ананнын, Уруй олохтоннун!