БАЛАҺЫАНЬЫНАЙ ҮӨРЭХ ТИРИЬИЭЛЭРИН ИИТИЛЛЭЭЧЧИЛЭРИГЭР АНАЛЛАММЫТ «СИР СИМЭҔЭ» КУОНКУРУС-Д... — 21 июня 2026 г. в 11:16:26.478
БАЛАҺЫАНЬЫНАЙ ҮӨРЭХ ТИРИЬИЭЛЭРИН ИИТИЛЛЭЭЧЧИЛЭРИГЭР АНАЛЛАММЫТ «СИР СИМЭҔЭ» КУОНКУРУС-ДЕФИЛЕ ТУҺУНАН ПОЛОЖЕНИЕ 1. Уопсай балаһыанньалар 1.1. Бу Положение «Сир симэҕэ» куонкурус-дефиле (салгыы — Куонкурус) сыалын-соругун, тэрийэр уонна ыытар бэрээдэгин быһаарар. 1.2. Куонкурус оскуолаҕа киириэн иннинээҕи саастаах оҕолор айар дьоҕурдарын сайыннарыыга, эстетическэй көрүүнү иитиигэ уонна төрөөбүт дойду айылҕатыгар харыстабыллаах сыһыаны үөскэтиигэ ананар. 1.3. Куонкурус соруктара: Оҕолор, төрөппүттэр уонна педагогтар бииргэ айар үлэлэрин көҕүлээһин. Фантазияны сайыннарыы уонна ураты уобарастары айар дьоҕуру иитии. Оҕолору Саха сирин флората уонна кини уратыларын кытта билиһиннэрии. 2. Кыттааччылар 2.1. Куонкуруска 1,6 саастарыттан 7 саастарыгар диэри оҕо саадтарын иитиллээччилэрэ кытталлар. 2.2. Костюмнары бэлэмнээһиҥҥэ уонна көрдөрүүгэ иитиллээччилэр төрөппүттэрэ уонна педагогтара кытталлар. 3. Ыытыы усулуобуйалара 3.1. Куонкурус тиэмэтэ — Саха сирин флоратыттан санаа ылан оҥоһуллубут костюмнар. Кыттааччылар саха сибэккилэрин (холобур, сардаана, купальница, рододендрон, багульник) уобарастарын, саха култууратын элеменнэрдээх фантазийнай композициялары эбэтэр айылҕа мотивтарын атын идеялары кытта дьүөрэлээн оҥоруохтарын сөп. 3.2. Костюмнары оҕолор, төрөппүттэр уонна педагогтар бииргэ оҥороллор. Айылҕа матырыйаалларын (куурбут сибэккилэр, сэбирдэхтэр, туос), туттуллубат (бросовай) матырыйааллары уонна традиционнай киэргэтии элеменнэрин туһаныы биһирэнэр. 3.3. Хамаанда (оҕо + арыаллааччы улахан дьон) дефилеҕэ биир костюмы көрдөрөр. 3.4. Көрдөрүү кэмигэр кыттааччы бэйэтин уобараһын туһунан кылгастык кэпсиэн сөп (ханнык сибэккини көрдөрөрүн, ханнык деталлары туһаммытын уонна тоҕо). 3.5. Тэрээһиннэр бэрээдэгин тэрийэр хамыыһыйа быһаарар. 4. Дьүүллүүр сүбэ сыаналыыр киритиэрийдэрэ Дьүүллүүр сүбэ үлэлэри маннык ирдэбиллэринэн сыаналыыр: Куонкурус тиэмэтигэр сөп түбэһии (сахалыы сибэкки уобараһын биллэр-көстөр буолуута уонна айымньылаахтык уларытан көрдөрүү). Санаа уратыта уонна стандартнайа суох быһаарыылар. Оҥоһуллуу хаачыстыбата уонна маастарыстыба (аккуратноһа, деталлар уустуктара, матырыйааллары дьүөрэлээн туттуу). Көрдөрүү ис хоһооно (иэйиилээх буолуу, пластика, муусука уобараска сөп түбэһиитэ). 5. Ыытыы бэрээдэгэ 5.1. Куонкурус маннык түһүмэхтэртэн турар: үлэлэри көрүү, финалистары сүүмэрдээһин уонна түмүктүүр дефиле. 5.2. Кыттарга электроннай аадырыска сайаапка ыытыллар. Сайаапкаҕа маннык ирдэнэр: оҕо толору аата, сааһа, ОДьК (оҕо саада) аата, төрөппүттэр уонна педагог ааттара. 5.3. Түмүктүүр дефиле оройуон ыhыаҕын киин түhүлгэтиттэн бииригэр ыытыллар. 6. Дьүүллүүр сүбэ 6.1. Дьүүллүүр сүбэ тэриллэр. Кини састаабыгар педагогтар, муусука салайааччыта, төрөппүттэр кэмитиэттэрин бэрэстэбиитэлэ уонна ыҥырыллыбыт эспиэрдэр киириэхтэрин сөп. 7. Түмүгү таһаарыы уонна наҕараадалааһын 7.1. Кыайыылаахтар уонна призердар дипломнарынан уонна бириистэринэн наҕараадаланаллар. Куонкурус бары кыттааччыларыгар кыттыбыттарын туоhулуур сертификаттар туттарыллаллар. 8. Тэрээhин тэриллиитин боппуруостара 8.1. Куонкуруhу бэлэмнээн ыытыыны уопсай салайыыны тэрийэр хамыыhыйа (оройуон оҕо саадтара) оҥорор. 8.2. Тэрэhини үбүлээhин (оформление, бириистэр) («Олоон эбэнки национальнай оройуона») үбүн суотугар оҥоhуллар.