Олунньу 13 күнүгэр төрөөбүт сахабыт тылын сайыннарыыга, чинчийиигэ олоҕун анаабыт, саха... — 13 февраля 2026 г. в 18:51:03.549
Олунньу 13 күнүгэр төрөөбүт сахабыт тылын сайыннарыыга, чинчийиигэ олоҕун анаабыт, саха алфавитын төрүттээбит, бастакы лингвист Семен Андреевич Новгородов төрөөбүт күнэ, ону сэргэ Ийэ тыл, сурук-бичик күнүнэн бэлиэтэнэр. Онон салайтаран биһиги уҺуйааммытыгар Ийэ тыл, сурук-бичик күнүгэр аналлаах тэрээһин буолан ааста. Оҕо төрүөҕүттэн ийэ тылын эйгэтигэр иитилиннэҕинэ, омук кутун-сүрүн, өр үйэлэргэ муспут муудараһын этигэр- хааныгар иҥэринэр, төрөөбүт тылын, бэйэтин омугун харыстыыр киһи буола улаатар диэн туран иитиллээччилэрбитигэр С.А.Новгородов оло5ун-дьаҺа5ын, маҥнайгы сурукка-бичиккэ киирбит буукубалар, алпабыыт туҺунан билиҺиннэрдибит, маны таҺынан о5олорбут ойууларынан ребустары таайдылар. ТэрээҺиммитин улахан уонна бэлэмнэнии бөлөх иитиллээччилэрэ хомо5ой хоҺооннорунан ситэрэн-хоторон биэрдилэр. ТэрээҺиммит ыҥырыылаах ыалдьыта, Таркаайы нэҺилиэгин киин библиотекатын үлэҺитэ Руслан Манчарович кэлэн, сахалыы дьэрэкээн ойуулаах кинигэлэри а5алан кэпсээтэ, өрөбүллэргэ иитиллээччилэрбит төрөппүттэрин кытта тэҥҥэ аа5алларын, көрөллөрүн курдук кинигэлэрин уларсан ыытта. Биһиги сахалар ураты дууһабыт, бараммат баараҕай талааммыт дьиэрэтэр эһиэкэйбитигэр арыллар, хамсаныылаах оһуохайбытын оройуттан тутан, эһиэкэйи эҥээриттэн ыламмыт тэрээһини оһуохайынан түмүктээтибит. Оһуохайы таһаардылар: орто бөлөх иитиллээччитэ Аселия Иванова, бэлэмнэнии бөлөх иитиллээччитэ Арина Егорова уонна уҺуйааммыт сэбиэдиссэйэ Мария Ильинична. Төрөөбүт тыл, сурук-бичик күнэ үтүө үгэскэ кубулуйан, сыллата бэлиэтэнэн, тэнийэн, сайдан истин!