Михаил Федорович Алексеев 1928 сыллаахха олунньу ый 15 күнүгэр Ньурба улууһугар төрөөбү... — 11 февраля 2026 г. в 05:47:50.735
Михаил Федорович Алексеев 1928 сыллаахха олунньу ый 15 күнүгэр Ньурба улууһугар төрөөбүтэ. 1943 с. Дьокуускайга фабрика-завод үөрэҕэр болуотунньук идэтин ылбыта. Онтон салҕыы "Якутскстройтрест" болуотунньуктар биригээдэлэригэр үлэлээбит. Дьокуускай куоракка олорор дьиэ фондатын, аэровокзал, республикатааҕы балыыһа уонна да атын объектар тутууларыгар үлэлээбитэ. 1954 с. "Якутстрой" 3№-дээх тутар-монтажтыыр салайар комплекснай биригээдэтигэр биригэдьииринэн анаммыт. "Капитальнай тутууга сэттэ сыллаах былаан сорудаҕын толорууга уһулуччулаах ситиһиилэрин иһин" ССРС Верховнай Советын Президиумун 1966 сыл бэс ыйын 11 күнүнээҕи ыйааҕынан Михаил Федорович Алексеевка Социалистическай үлэ Геройун аатын иҕэриллибитэ. Михаил Алексеев икки төгүл Ленин уордьанынан (1957, 1966 с.с.), "Дьокуускай куорат бочуоттаах олохтооҕо" бэлиэнэн (1972 с.) наҕараадаламмыта. 2009 сыллаахха биһиги уһуйааммытыгар Социалистыы үлэ Геройа Михаил Федорович Алексеев аата иҥэриллибитэ.