Кыайыы кынаттаах, сомоҕолоһуу тыыннаах тэрээһин — 7 мая 2026 г. в 23:24:42.209
Кыайыы кынаттаах, сомоҕолоһуу тыыннаах тэрээһин Ыам ыйын 7 күнүгэр Байаҕантай нэһилиэгин уһуйааннарын икки ардыгар Улуу Кыайыы 81 сылыгар анаммыт үөрүүлээх тэрээһин буолан ааста. Арассыыйа норуоттарын сомоҕолоһуутун уонна Саха сиригэр Культура сылын чэрчитинэн ыытыллыбыт бу дьаһалы Сэбиэскэй Сойуус Геройа Ф.М. Охлопков аатынан кыраайы үөрэтэр түмэл уонна Л.Л. Холмогорова аатынан олохтоох модельнай библиотеката үрдүк таһымнаахтык тэрийэн ыыттылар. Байыаннай парадтан саҕаламмыт бэлиэ күҥҥэ нэһилиэк түөрт уһуйаана: «Сырдыкчаана», «Чуораанчык», «Кэнчээри» уонна «Сандалыма» оҕолоро, иитээччилэрэ көхтөөхтүк кыттыыны ыллылар. Тэрээһин саҕаланыытыгар бастакы кылаас үөрэнээччилэрэ (кылаас салайааччыта Бурцева Д.И.) байыаннай хаамыыны, эрэкэ-дьэрэкэ строевой маршы көрдөрөн, мустубут дьону сөхтөрдүлэр. Күрэхтэри убаастабыллан туран уһуйааннар бэтэрээннэрэ А.Ф. Софронова, В.Н. Сыромятникова уонна С.Д. Матаркина дьүүллээтилэр. «Буорах сыттаах хоһооннор» хоһоон ааҕааччылар күрэхтэрэ 4-5 саастаахтар: I миэстэ — Бурцев Дима («Сырдыкчаана») II миэстэ — Плотников Арылхан («Чуораанчык») III миэстэ — Степанов Ариан («Сырдыкчаана») уонна Софронов Данил («Кэнчээри») 6-7 саастаахтар: I миэстэ — Слепцова Настя («Кэнчээри») II миэстэ — Бурцева Аэлина («Сандалыма») III миэстэ — Ефремова Аня («Кэнчээри») Номинациялар: Гоголева Мичийээнэ («Сандалыма»), Неймохова Мичийэ («Сырдыкчаана») VII интерактивнай уруһуй күрэҕэ. Уопсайа 38 үлэ киирбит күрэҕэр кыайыылаахтарынан буоллулар: 1 бөлөххө: Руфов Артур (салайааччылар Николаева А.А., Сыромытникова Ф.Г.) 2 бөлөххө: Ефимова Амина (салайааччылар Харайданова Е.А., Ефимова Т.Ф.) 3 бөлөххө: Бурцева Аэлина (салайааччы Сотникова Н.Д.) Үҥкүү уонна асфальтка уруһуй. «Танцы. Дети» үҥкүү күрэҕэр «Сандалыма» уһуйаан «Журавли» үҥкүүтүнэн бастаата. Иккис миэстэни «Кэнчээри» («Журавли»), үһүс миэстэни «Сырдыкчаана» («Матросскай») уонна «Чуораанчык» («Сэрии оҕолоро») үҥкүүлэрэ үллэһиннилэр. «Кыайыы күнүн асфальтка кустук өҥүнэн дьүһүйэбит» асфальтка уруһуйга «Сырдыкчаана» бастакы буолла, «Сандалыма» иккис, «Кэнчээри» уонна «Чуораанчык» үһүс миэстэлэргэ тигистилэр. Күрэххэ кыттыбыт оҕо барыта тэрийээччилэртэн тустаах грамоталарынан уонна бириистэринэн наҕараадаланнылар. Иитээччилэр уонна учууталлар оҕолору бэлэмнээбит үлэлэрэ үрдүктүк сыаналаммыта кэрэхсэбиллээх. Бу күн кэнчээри ыччаппыт төрөөбүт дойдутун таптыырга, Кыайыыны аҕалбыт геройдарбытын ытыктыырга үөрэнэр үтүө күнэ буолан өйгө-санааҕа хаалла. Тэрээһин түмүгэр оҕолор дьиҥнээх салдат хааһытын амсайан, Кыайыы күнүн өрө көтөҕүллүүлээхтик бэлиэтээтилэр. Түмэл специалиһэ Харайданова С.Н.