1. Чанывыста дириг чоруур чоок кижилеривиске могаттынып, хомудап чораан ажыы чок. Чамд... — 24 марта 2026 г. в 16:54:02.392

1. Чанывыста дириг чоруур чоок кижилеривиске могаттынып, хомудап чораан ажыы чок. Чамдык кижилер чоок кижизин чидирген чоктап чоруур болур. 2. Чурттап орар бажыңывыска таарзынмайн, хөйнү күзеп, хилинчектен херээ чок. Чамдык кижилерниң кире бээр бажыңы безин чок чурттап чоруур болур. 3. “Дүрзү-хевирим, арын-шырайым чараш эвес-дир” деп бодун куду көрүп, чемелээн ажыы чок. Чамдык амылыглар кандыг-даа болза кижи кылдыр төрүттүнүп келзимзе деп күзеп чоруур. 4. “Амыдырал-чуртталга дыка берге-дир” деп муңгарап чораан херээ чок. Чамдык дириг амытаннарның амыдырал-чуртталгазы чүгле хилинчек-човулаң долган болур. Эмин эрттир хөйнү күзеп, муңчулуп, муңгарап чораан ажыы чок. Хандыкшыл-биле холбашкан күзелдерни сүрер болзувусса кажан-даа аас-кежиктиг болуп шыдавас бис. Каяа чедир күзелдерни сүрер-дир бис. Аңаа чедир дөмей-ле күзеливис ханмас. Өөрүшкү-муңгарал бистиң канчалдыр боданып чоруурувустан дыка хамааржыр. Шын боданып, бар-ла чүүлүвүстү үнелеп, көрүп чорууру эң чугула. Кижиниң долу аас-кежиктиг болурунуң эң кол чылдагааны - бар чүүлүнге күзел ханып билири.