*🥱😴Оскуола оҕотун утуйар уутун хайдах сааһылыахха сөбүй?* — 6 февраля 2026 г. в 08:20:28.096

*🥱😴Оскуола оҕотун утуйар уутун хайдах сааһылыахха сөбүй?* Ханнык баҕарар төрөппүт баҕа санаата — оҕото сарсыарда чэпчэкитик, сэргэхтик уһуктар, оскуолаҕа сылайбат уонна кэмигэр утуйар. Оскуола оҕотун утуйар эрэсиимин сааһылаатахха, бу түмүгү ситиһэр толору кыаллар. Уу хаачыстыбата оҕо туругар уонна үөрэҕин ситиһиитигэр быһаччы дьайар. Ол иһин үөрэх дьылын саҕаланыаҕыттан бигэ утуйар эрэсиими олохтуурга кыһаллыҥ. *Оскуола оҕото төһө уһуннук утуйуохтааҕый?* Сарсыарда 7 чааска оскуолаҕа турар наадаттан, оҕо маннык кэмҥэ утуйуохтаах: * 7-тэн 10-гар диэри саастаах оҕо — 20:00–21:00 чааска; * 11-тэн 14-гэр диэри саастаах оҕо — 21:00–22:00 чааска; * 15-тэн 17-гэр диэри саастаах оҕо — 22:00–22:30 чааска. Оҕоҕо утуйар эрэсиимин уларытарга хайдах көмөлөһүөххэ сөбүй? 1️⃣.Утуйар эрэсиими тутуһуҥ: үлэ күнүгэр да, өрөбүлгэ да биир кэмҥэ утуйа уонна тура үөрэниэхтээх. 2️⃣.Оҕо утуйар кэмигэр хоско чуумпу, хараҥа уонна сөрүүн (22 °C үрдээбэт) буолуохтаах. 3️⃣.Утуйуон иннинэ, кырата биир чаас эрдэ, оҕону «күөх экраантан» (тэлэбиисэр, көмпүүтэр, смартфон) араарыҥ. 4️⃣.Сынньанан утуйарга көмөлөһөр киэһээҥҥи үгэстэри киллэриҥ: холобур, сылаас ваннаҕа сытыы эбэтэр кинигэ ааҕыыта. 5️⃣.Көхтөөх олоҕу тутуһуҥ: таһырдьа дьаарбайыы уонна успуордунан дьарыктаныы утуйар уу кэлэригэр туһалаах. 6️⃣.Барытын биирдэ уларыта сатаамаҥ — эрэсиими сыыйа-баайа олохтооҥ. Олоххутугар киллэрэргэ судургу биир-икки сүбэттэн саҕалаан көрүҥ. Өскөтүн оҕо мөлтөхтүк утуйар, түүн уһуктар, туйа сытан саҥарар эбэтэр хаамар буоллаҕына, бырааска көрдөрүҥ.