📚 Оскуолаҕа киирии – оҕоҕо саҥа кэрдиискэ тахсыы, олоҕор суолталаах кэм буолар. Төрөпп... — 23 августа 2026 г. в 09:04:15.546
📚 Оскуолаҕа киирии – оҕоҕо саҥа кэрдиискэ тахсыы, олоҕор суолталаах кэм буолар. Төрөппүт оҕотун кытта элбэхтик кэпсэппит, остуоруйа ааҕан, таабырын таайсан оҕо саҥарарыгар үгүс сыратын уурбут буолуохтаах. Оскуолаҕа барарга бэлэм буолбут оҕо илиитин моториката, илиитин салбаҕын (киистэтин) хамсыыр сатабыла сайдыбыт, тыла-өһө сааһыгар сөп түбэһэр, санаатын толору этэр буолуохтаах. Оскуолаҕа саҥа барбыт оҕоҕо бастаан ыарахан буолар: бу кэмҥэ оҕо саҥа усулуобуйаҕа үөрэнэр, о.э. адаптацияны ааһар. Оҕолору оскуолаҕа интэриэһинэй, ол эрээри чэпчэкитэ суох үлэ күүтэр: оҕо этин-хаанын сырата (40-ча мүн. уруогу тулуйан олоруон наада) уонна саҥаны билэригэр-көрөрүгэр мэйии, ньиэрбэ күүрүүтэ. Адаптацияланар кэмигэр оҕо куһаҕаннык утуйуон, кыыһыра, тымта сылдьар буолуон, аппетита кэһиллиэн, бэйэтигэр бүгүөн сөп. Бу ньиэрбэ күүрүүтүттэн үөскээбит көстүүлэр сотору кэминэн ааһаллар: оҕолор оскуола олоҕун тэтимигэр үөрэнэллэр, сылайаллара аччыыр, настырыанньалара көнөр. Сиһилии "Мүрүчээнэ" оҕо уһуйаанын педагог-психолога Екатерина Васильева ⬇️ МЮРЮГАЗЕТА.РФ 📲 МАХ-каналбытыгар сурут ⬇️ https://max.ru/channel_ua_murusahargata ✅ @uamurusahargata @ulusmedia