Кулун тутар 26 күнүгэр "Чаринка" уһуйааҥҥа " Оҕо сахалыы саҥатын сайыннарыы" диэн иитээ... — 26 марта 2026 г. в 07:08:00.825

Кулун тутар 26 күнүгэр "Чаринка" уһуйааҥҥа " Оҕо сахалыы саҥатын сайыннарыы" диэн иитээччилэргэ семинар буолан ааста. Бу тиэмэ билигин ханна баҕар сытыытык турар, оҕолор сахалыы ыраастык саҥарбаттар, телевизор, телефон нууччалыы тылынан ордук ылыналлар,маны бэлиэтээн туран оҕолору сахалыы саҥардары уһуйаан иитээччилэриттэн, төрөппүттэн саҕалаан ыытыахха, иитээччилэргэ сүбэлэр, араас ньымалар, төрөөбүт төрүт тылбыт сайдарыгар кыһаллыахха диэн кэпсэтиинэн Габышева А.Н. семинары салайан ыытта. "Кэскил" уһуйаантан Алексеева Л.Р, Басыргасова Е.Н "Саха төрүт культурата оҕо иитиитигэр" проектарын кэпсээтилэр,туох үлэ барарын,сонун оонньуулары,дьарыкка туттуллар матырыйааллары билиһиннэрдилэр, "Чаринка" уһуйаан логопеда Габышева Н.В оҕо тыла сайдарыгар хоһоону хамсаныы көмөтүнэн, сахалыы дорҕооннору хайдах үөрэтэри, иитээччилэр Павлова М.А, Яковлева В.П. оҕону проект көмөтүнэн сахалыы кэпсииргэ, хамсаныылаах оонньууларынан сахалыы тыллары саҥарарга уопут атастаһыы буолла.Бэс күөлтэн семинарга кыттыыны ылла эдэр иитээччи Кульбертинова А.В,элбэх саҥаны көрөн,истэн, логопед көмөтүн ылан барда. Оҕо саҥатын сайыннарыыга сахалыы тыл иччилээх буоларын,кинини ис дууһабытынан таайарга үөрэтиэххэ,оччоҕо эрэ оҕо төрөөбүт тылын таптыаҕа,киэн туттуоҕа.