Өксөкү сиэннэрэ кэккэлэригэр киирдилэр — 11 декабря 2025 г. в 07:33:58.684
Өксөкү сиэннэрэ кэккэлэригэр киирдилэр Бүтүн Арассыйатааҕы “Орлята России” улахан проект чэрчитинэн быйыл М.Н.Готовцев аатынан Танда орто оскуолатын маҥнайгы кылааһын үөрэнээччилэрэ уонна Тандатааҕы “Кэнчээри” уһуйаан иитиллээччилэрэ Өксөкү сиэннэрэ уонна Өксөкү сиэннэрэ-чычып-чаап диэн ааттанан, бүгүн “Орлята России” кэккэтигэр киирэр үөрүүлээх күн ааста. Тэрээһини улахан кылаас вожатай оҕолор тэһииннээн ыыттылар. Барыта 7 трек; “Орленок-Эрудит”-, “Орленок-Мастер”, “Орленок-Доброволец”, “Орленок-Спортсмен”, “Орленок-Эколог”, “Орленок-Хранитель исторической памяти”, “Орленок-Лидер”. Трек аайы оҕолор араас таһымнаах сорудахтаах оонньуулары толорон астынан дуоһуйан бардылар. Долгутуулаах түгэҥҥэ кырачааннар “Орлята России” символлаах хаалтыстары бааннылар уонна значоктары түөстэригэр ииллилэр. Оҕолор проект андаҕарын эттилэр, “Орлята России” гимнин доргуччу ыллаатылар. Проект олус киэҥ ис хоһоонноох, оҕону патриотическай иитиигэ, тобуллаҕас өйгө, сымса-сытыы буоларга, айылҕаны харыстыырга, өбүгэ үгэһин тэнитэргэ иитэр-үөрэтэр сыаллаах, инникигэ кэскиллээх проект буоларын оҕолорго билиһиннэрдилэр. Алын кылаас учууталлара, уһуйаан иитээччилэрэ проект быйылгы үлэ былаанын, хаамыытын торумнаатылар, сүбэлэстилэр уонна бигэргэттилэр. Проект кэскиллээх уонна оҕону иитэр, үөрэтэр, сайыннарар үлэҕэ төһүү күүс буоллун! Светлана Аммосова Танда 09.12.2025 с