Муус аннынан балыктааһын — 4 апреля 2026 г. в 12:00:27.729
Муус аннынан балыктааһын Бүгүн о.э. муус устар 4 күнүгэр сыл ахсын комплекснай спартакиада чэрчитинэн нь-Хомустаахтыыр суол Бааһам диэн сиргэ сарсыарда 5ч мустан үөрэх үлэһиттэрэ бары биир киһи курдук айаннаан 6ч муус аннынан балыктааһын күрэҕэ буолла. Ол курдук тэрийээччи Нам улууһун үөрэх үлэһиттэрин идэлээх союһа бу күн үөрэх үлэһиттэрин түмэ тутан бэрт сэргэх тэрээһин буолла. Уопсайа 41 хамаанда кэллэ, 205 кыттааччы ону таһынан хамаандаҕа ыалдьааччылар уонна тэрийээччилэр. Балыктыыр сирбитин сарсыардаттан алҕаан, аһатан 5ч30м күрэх саҕаламмыта, бу күрэх 12ч диэри буолла, күрэх ирдэбилинэн буолар –ким элбэх балыгы хаппыт ол кыайар, ону таһынан 2 анал аат баара “Саамай улахан балык”, “Бастакы балык” бу анал ааттар эр киһи уонна кэрэ аҥардар диэн арахсаллар. 12ч оруобуна дьүүллүүр сүбэ кэлэн балыктарын ыйааһыннаттылар ол курдук хамаандалар түмүктэрэ: 1 бөлөххө (оскуолалар): 1 миэстэ - Нам 1 нүөм-х оскуолата (4кг410гр), 2 миэстэ- Хатыҥ-Арыы оскуолата (3кг130гр), 3 миэстэ- Нам 2 нүөм-х оскуолата (2кг445гр). 2 бөлөххө (оскуолалар): 1 миэстэ – Салбан орто оскуолата (3кг950гр), 2 миэстэ – Нам 3 нүөм-х орто оскуолата (900гр), 3 миэстэ –Көбөкөн орто оскуолата (420гр). 3 бөлөххө (оскуолаларга): 1 миэстэ– Фрунзе алын сүһүөх оскуола –уһуйаан (4кг090гр), 2 миэстэ – Никольская нэһилиэгин алын сүһүөх оскуолата (3кг970гр), 3 миэстэ- Тастах ситэтэ суох орто оскуолата (3кг490гр). 1 бөлөххө (уһуйаан): 1 миэстэ – Хамаҕатта нэһилиэгин Тускул уһуйаан (2кг470гр), 2 миэстэ –Аппаны нэһилиэгин 2-с нүөм-х Сандаара уһуйаан (2кг390гр), 3 миэстэ- Нам нэһилиэгин 1-нүөм-х Солнышко уһуйаана (1кг 870гр) 2 бөлөххө (уһуйаан): 1 миэстэ- Нам нэһилиэгин 7-с нүөм-х Туллукчаан уһуйаан (2кг370гр), 2 миэстэ – Нам нэһилиэгин 6-с нүөм-х Кыталык уһуйаан (1кг340гр), 3 миэстэ- 1-Хомустаах 2-с нүөм-х Улыбка уһуйаан (1кг090гр) 3 бөлөххө (уһуйаан): 1 миэстэ- Тастах нэһилиэгин Кэнчээри уһуйаан (3кг060гр), 2 миэстэ- Нам нэһилиэгин Чуоранчык уһуйаан (910гр), 3 миэстэ –Никольскай нэһилиэгин Веснянка уһуйаан (870гр). Анал ааттар кыайыылаахтара: «Саамай улахан балык»: эр киһигэ- Петухов Семен Семенович, Нам нэһилиэгин 1 нүөм-х Солнышко уһуйаан үлэһитэ (1кг840гр), кэрэ аҥарга –Сивцева Елена Алексеевна, Хамаҕатта нэһилиэгин Тускул уһуйаан үлэһитэ (1кг160гр). «Бастакы балык»: эр киһигэ- Захаров Дмитрий Дмитриевич, Тубэ нэһилиэгин Тубэчээнэ уһуйаан үлэһитэ, кэрэ аҥарга – Замятина Татьяна Андреевна, Аппаны нэһилиэгин 2-с нүөм-х Сандаара уһуйаан үлэһитэ. Быйылгы тэрээһин уратыта диэн түмүк тахсыар диэри балыксыттарга сэргэх оонньуулар ыытылланнар дьону сэргэхситтилэр, хамсаттылар. Балыктыы кэлбит кыттааччылар сүрдээх бэлэмнэниилэрин көрдөрдүлэр аҕыйах бириэмэ иһигэр элбэх балыгы хабан быйыл көрдөрүү олус үчүгэй. Уопсайа 54кг 945гр балык хабылынна бу күрэххэ, былырыыҥҥы көрдөрүүттэн 13кг 737гр кыра көрдөрүү. Үлэһит үлэннэн эрэ үлүһүйбэккэ сынньалаҥы, айылҕаны кытта алтыһыыны таба туһаныахтаах, ол иһин бу маннык күрэхтэр мэлдьи элбэх биһирэбили ылар. Ол курдук ситими быспакка эһиил даҕаны бу күрэҕи ыытарга диэн буолла.