Сылын аайы дойду үрдүнэн ыытыллар “Оҕо кинигэтин нэдиэлэтин” чэрчитинэн Оҕо уонна ыччат... — 8 апреля 2026 г. в 03:58:16.171
Сылын аайы дойду үрдүнэн ыытыллар “Оҕо кинигэтин нэдиэлэтин” чэрчитинэн Оҕо уонна ыччат бибилэтиэкэтин «Гуляют сказки по земле» - остуол тыйаатырын бырайыага быйыл 11 төгүлүн буолан ааста (ааптар Константинова М.В.). Бу күрэх Ньурба оройуонун уһуйааннарын иитиллээччилэрин кыра эрдэхтэриттэн ааҕыыга сыһыарар, дьиэ кэргэни сомоҕолуур үтүө сыаллаах ыытыллар. Бу сыллар тухары күрэх нууччалыы тылынан ыытыллыбыт эбит буоллаҕына, быйыл бибилэтиэкэбит иһинэн “Оҕолорго төрөөбүт тылынан ааҕыыны тарҕатар Киин” аһыллыбыт бэлиэтигэр, сахалыы тылынан ыытылынна. Онон бүгүҥҥү остуол тыйаатыра сахалыы саҥаран чуопчаарбыта олус истиҥ буолла. Сэргиир, сэҥээрэр сүбэҕэ үлэлээтилэр: 1) Алексеева Яна Ивановна, улуустааҕы үөрэх управлениетын оскуола иннинээҕи үөрэхтээһинин салаатын сүрүн испэсэлииһэ; 2) Никитина Людмила Васильевна, К. Д. Уткин аат. «Доҕордоһуу” түмэл сүрүн харайааччыта; 3) Ноева Маргарита Романовна, Киин бибилэтиэкэ кыраайы үөрэтэр салаатын библиотекэрэ. Кыттааччылар икки бөлөххө арахсан бииртэн-биир сонун остуоруйалары көрдөрдүлэр. Бары олус кыһаллан бэлэмнэнэн кэлбиттэр. Кырачааннарбыт дьоннорунаан эҥин араас дьэрэкээн куукулалары хамната-хамната кэпсээн, барыбыт сэҥээриитин ылыан ыллылар. Түмүктэри билиһиннэрдэххэ, 4-5 саастаах оҕолорго маннык: 1 миэстэ – «Родничок» уһуйаан иитиллээччитэ Софронова Эльза (4 саастаах) ийэтинээн Жанна Эдуардовналыын, аҕатынаан Альберт Герасимовичтыын. Остуоруйата: «Таал-Таал эмээхсин». Салайааччылара: Андреева Лидия Васильевна, Сергеева Лилия Ивановна. 2 миэстэ – «Кыталык» уһуйаан иитиллээччитэ Обутова Вилена (4 саастаах) ийэтинээн Любовь Александровналыын. Остуоруйата: “Үс эһэ”. Салайааччыта: Николаева Туналы Куо Михайловна. 3 миэстэ – «Ромашка» уһуйаан иитиллээччитэ Михайлова Сандаара (5 саастаах) убайынаан Айысханныын (Антоновка орто оскуолатын 4 кыл. үөрэнээччитэ). Остуоруйата: “Колобок”. Салайааччылара: Афонская Татьяна Адольфовна, Хартасова Тамара Алексеевна. Маны таһынан араас анал ааттар быһаарылыннылар: «Нуучча остуоруйатын сахалыы кэпсээччи» - «Биһик» уһуйаан иитиллээччитэ Степанова София (5 саастаах) ийэтинээн Наталья Даниловналыын, балтынаан Сияналыын (4 саастаах). Остуоруйата: “Куоска, бөтүүк уонна саһыл”. Салайааччыта: Егорова Евдокия Ивановна. «Эбээн остуоруйатын сахалыы кэпсээччи» - «Лесная сказка» уһуйаан иитиллээччитэ Саввинова Санаайа (4 саастаах) ийэтинээн Алена Сергеевналыын. Остуоруйата “Саһыл уонна балыктар”. Салайааччылара: Нутчина Алена Афанасьевна, Андреева Розалия Владимировна. «Чукча остуоруйатын сахалыы кэпсээччи» - «Кэскил» уһуйаан иитиллээччитэ Петрова Юлианна (5 саастаах) эбэтинээн Марта Васильевналыын. Остуоруйата: «Ким дьиэтэ үчүгэйий?». Салайааччыта: Васильева Мария Христофоровна. «Көхтөөх кыттааччы» - Ньурбачаан «Сайдыы» уһуйаан иитиллээччитэ Самсонова Алиана (4 саастаах) ийэтинээн Татьяна Афанасьевналыын. Остуоруйата: “Таал-Таал эмээхсин”. Салайааччыта: Семенова Ева Даниловна. «Көхтөөх кыттааччы» - «Сайдыы» уһуйаан иитиллээччитэ Никифоров Уйгун (5 саастаах) ийэтинээн Ирина Лазаревналыын. Остуоруйата: “Куоскалар уонна саһыл”. Салайааччылара: Семенова Ева Даниловна. 6-7 саастаах оҕолорго: 1 миэстэ – «Родничок» уһуйаан иитиллээччитэ Андреев Кирилл (6 саастаах) ийэтинээн Александра Дмитриевналыын, эдьиийинээн Виолетталыын (Убайаан орто оскуолата, 5 кыл). Остуоруйата: “Ыт хаһаайынын хайдах көрдөөбүтэ”. Салайааччылара: Максимова Айталина Николаевна, Михайлова Надежда Августовна. 2 миэстэ – «Светлячок» уһуйаан иитиллээччитэ Михайлова Кюннэй (6 саастаах) ийэтинээн Ольга Николаевналыын. Остуоруйата: “Колобуок”. Салайааччылара: Дыдорова Раиса Макаровна. 3 миэстэ –«Светлячок» уһуйаан иитиллээччитэ Николаева Анна (6 саастаах) эдьиийинээн Валериялыын (10 кыл. үөрэнээччитэ). Остуоруйата: “Куобах уонна саһыл”. Салайааччылара: Дыдорова Раиса Макаровна. Бука бары кыттааччылар туоһу суруктарынан, кыайыылаахтар бэйэлэрин уһуйааннарыттан, ону таһынан тэрийээччилэр ааттарыттан бириистэринэн наҕараадаланнылар.