Бүген бакчабызда гөрләтеп татар халкының милли бәйрәме – САБАНТУЙ узды.

Бүген бакчабызда гөрләтеп татар халкының милли бәйрәме – САБАНТУЙ узды. Сабантуй — ул хезмәт бәйрәме, Сабантуй — ул дуслык бәйрәме, Сабантуй — ул һәркемнең көтеп алган изге бәйрәме. Котлы булсын Сабан туйлары! Җилферди чиккән сөлгеләр! Бүләкләр –күбебезгә! Көрәшик тә, узышыйк та – Сабантуй бүген бездә! Бәйрәм җыр – биюләр, милли уеннар белән үрелеп барылды. Балалар үзләренең җитезлекләрен, осталыкларын күрсәттеләр, көч сынаштылар. Бәйрәмдә катнашкан һәр балага истәлекле сабантуй бүләкләре тапшырылды. Алдагы көннәребез дә бүгенге кебек ямьле, күңелле булсын. Өстәлләребездә ризыклар мул булсын!