🌿🌿🌿Бэс ыйын 4 күнүгэр Дьокуускай куорат «Белочка» уһуйаан "Ромашка" эбии бөлөхтөрүгэ... — 4 июня 2026 г. в 10:02:28.053
🌿🌿🌿Бэс ыйын 4 күнүгэр Дьокуускай куорат «Белочка» уһуйаан "Ромашка" эбии бөлөхтөрүгэр самаан сайыны көрсөр Ыһыах ыытылынна. Ыһыах биир ураты суолтатынан алгыс ылыныы буолар, Айыылартан, сирдээҕи үтүө иччилэртэн үтүөнү, доруобайаны көрдөстүбүт. Оҕолорбут ыһыаҕынан ырыа, үҥкүү бэлэхтээтилэр. Оҕолуун, төрөппүттүүн бары сахалыы таҥнан араас күрэхтэргэ, төрүт оонньууларга көхтөөхтүк кытыннылар. “Сахам мааны талба таҥаһа” күрэххэ оҕолор төрөппүттэрин, чугас дьоннорун кытта кытыннылар, бириистээх анал аакка бары тигистилэр. Кыайыылааҕынан таҕыстылар Васильева Таня дьиэ кэргэнэ Сказка бөлөхтөн. Ол кэннэ өбүгэ оонньууларын оҕолору бөлөхтөрүнэн арааран ыыттыбыт: -Мас тардыһыы -Уһуну ыстаныы -Өһөс торбос -Сымса тарбахтар. Кыайыылаахтар мэдээлинэн уонна добун суругунан наҕараадаламмыттара. Салгыы уһун суһуохтаах кэрэчээн кыргыттарбытыгар аналлаах көрүү-күрэс буолла. Саамай уһун суһуохтаах кыргыттарынан таҕыстылар Сивцева Диана, сказка бөлөхтөн уонна Карамзина Карина, Звездочка бөлөхтөн. Ыһыахпытын үгэс быһыыьынан төгүрүччү туран, илии-илииттэн ылсыһан оһуохайынан түмүктээтибит. Маннык тэрээһин оҕолор ийэ дойдуларыгар бэриниилээх, кэскиллээх буола улааталларыгар үтүө санаанан ыытыллар Хаартыскалары (фотографии) бу сигэнэн киирэн көрүҥ vk.com/wall-217248255_4137 Суруйда Могдоева М.П., сүрүн иитээччи