Убаастабыллаах нэһилиэкпит олохтоохторо! Ытык мааны ыалдьыттар!
Убаастабыллаах нэһилиэкпит олохтоохторо! Ытык мааны ыалдьыттар! Бу күннэргэ өрүспүтүгэр кыдьымах күүскэ киирэн, эбэбит тоҥор турукка киирдэ. Ол иһин, ойоҕос күөллэргэ уонна уу мунньуллар сирдэргэ муус олус ситэ тоҥо илигинэн, муус үрдүнэн сылдьарга улахан куттал үөскээтэ. Урукку сылларга бу кэмҥэ Өрөспүүбүлүкэҕэ уонна улууска даҕаны араас быһылааннар тахсыбыттарын санатан туран, муус үрдүнэн сылдьыы бобулларын биллэрэбит. Бу күннэргэ эбэҕэ сылдьыыны бопсор инниттэн дьаһалта туһааннаах уорганнары кытта патруллары тэрийэн таһаарарын сэрэтэбит. Саха сирин Правительствотынан бигэргэммит балаһыанньа быһыытынан, ууга сэрэхтээх буолуу быраабылатын кэһии иһин ыстараап ботуччу улааппытын санатабыт. Оскуола оҕолоро бу сэрэхтээх күннэргэ мууска тахсыбаттарын курдук, оскуолалар уонна төрөппүттэр өттүлэриттэн үлэ күүскэ ыытыллара ирдэнэр. Бэйэҕитин уонна чугас дьоҥҥут олохторун харыстааҥ!