⛔ Чугула дүрүмнер: Чаа чыл байырлалының шивизин айыыл чокка каастаары — 17 декабря 2025 г. в 09:48:56.914
⛔ Чугула дүрүмнер: Чаа чыл байырлалының шивизин айыыл чокка каастаары 🎄 Чаа чылдың байырлалы каас-чараш шивижигеш чокта эртери болдунмас. Чараштыр каастаан шиви – байырлалдың хуулгаазынныг кезээ. Ындыг-даа болза тоолчургу шивижигештиң артында айыыл туруп болур – шын эвес каастаан чиңге бүрүлүг ыяш өрт айыылын тургузуп болур. ❗️ Чаа чыл байырлалының өөрүшкү-маңнайы багай болуушкуннарның уржуктары-биле кударавазын дизе, өрт айыылының дүрүмнерин сагыыры чугула. ✅ Айыыл чок шиви кандыг болур ужурлугул? 1. Шивини суугу азы одалга батареязындан ырадыр тургузар. 2. Кывыычал азы хып турар лаалар-биле каастап болбас. 3. Шивиниң адаанда быжыглаан төжээн хөвең-биле шып болбас. 4. Өрээл иштинге хостуг кылаштаарынга шаптыктавас ужурлуг. 5. Шиви өске өрээлдерже эжиктерни дуглавас ужурлуг. ✅ Айыыл чок гирляндыларны ажыглаары чугула! 1. Сертификатты эрткен. 2. Складка шыгжамыр үезинде үрелбээн болур ужурлуг (Бир эвес гирлянды салааның бажын чип турар болза, ол хенертен өрттенип болурунуң айыылы бар). Үрелик сайылгаанчыгаштар өрттенгеш, удазыннарын эзилдириптер. ✅ Пиротехниктиг херекселдер! Аңаа чүгле фейерверктер эвес, а хлопушкалар болгаш бенгал оттары хамааржыр. Байырлал шинчини киирип турар херекселдерниң бирээзи – пиротехниктиг херекселдерни дужа-келбиже черлерден садып болбас. Ол ышкаш даштыкы хевири үрелген херекселдерни ажыглаары хоруглуг. ✅ Шиви өрттени берзе, чүнү кылырыл? 1. Гирляндыны розеткадан ушта тырткаш, шивини шалажые чыттыр октаар. 2. Өрт өжүрер херексел дузазы-биле өжүрүп болур, ынчалза-даа хол уунда тускай херексел чок болза, чоорган азы шывыг-биле дуй салыр. Чанагаш хол-биле өрттенген шивини тудуп болбас. Ооң орнунга дуза кадар албан черлеринче долгаар: 112 – чаңгыс аай камгалал албаны; 101 – ОБЯ; 103 – дүрген дуза. Бир эвес кылымал шиви өрттени берген болза, ону суг-биле өжүрбес – эзилген чук азы чаштанчылар тарап болур. (Кылымал шиви кывыычал материалдан бүткен болгаш, дүрген кывар дээрзин утпаза эки) Шык ыяш өрттениичел эвес болур, ынчангаш өрт албанының ажылдакчылары дириг ыяштарны суглуг савага азы шык элезинниг кочалга тургускаш, удаа-дараа суггарарын сүмелеп турар.