Сөөлгү үеде дыка хөй ада-иелер школаларга келгеш, ажы-төлү тыва дыл кичээлин өөренмес к... — 18 апреля 2026 г. в 04:46:19.881
Сөөлгү үеде дыка хөй ада-иелер школаларга келгеш, ажы-төлү тыва дыл кичээлин өөренмес кылдыр билдириишкин бижээш, приказ/дужаал кылдырып алыр апарган. Ам ол ындыг "освобождениелиг" өөреникчилер дөмей-ле тыва дыл кичээлинде олурар болур, ада-ие ол ажы-төлүн кандыг эпчок байдалда турарын хүн бүрүде боттары школада келбейн турар болгаш билбестер-даа. Башкы кижи өөреникчилерни кичээлден үндүрер эргези чок. Кичээл үезинде үне бергеш, бир чүве болу берзе, башкы буруулуг болур, ынчангаш "осв" өөреникчини-даа тыва дылынга өөредир апаар. Чамдык өөреникчилерге сен тыва сен, төрээн дылынга чугааланыры чугула херек деп тайылбырлап бээрге, дыка эки билип, боттары кызып өөренип олурарлар. Чамдык "осв" өөреникчилер мээң ада-ием тыва дыл херек чок диген дээш, эштеринге шаптыктап, чардыктырып, тенип олурарлар. Ам бо үеде ажы-төлүңер чаш угаан-биле, бурунгаар көрүп билбези-биле силерниң улуг улустуң "үүлгедип" каан билдириишкиниңер тыва дыл херек чок мээң ажы-төлүмге деп бодалыңар келир үеде ажы-төлүңерге моондак болуп болур. Чеже-даа тывалап билбес-даа болза, бичии кижиниң угааны "чиик" болур, бир эвес шенеп, дузалажып өөредир болзуңарза, тергиин кылдыр тывалап чугаалап үнүп келир❤️ Кыйгы, дилег шупту чонче тарадып болур🤝КымТываЧерКымТываНацияКымТываДылДээшРЕПОСТ🤝 ТываДылБашкызыЧинчилиг _chinchilig_