ХҮНДҮЛҮГ АДА-ИЕЛЕР ! Чайгы үеде ажы-төлүвүстүң айыыл чок чоруу дээш харысаалгавысты бед... — 12 августа 2026 г. в 15:51:15.313
ХҮНДҮЛҮГ АДА-ИЕЛЕР ! Чайгы үеде ажы-төлүвүстүң айыыл чок чоруу дээш харысаалгавысты бедидери силерден негетинип турар. Радио,телевидениенин дыннадып турары-биле айыыл чок чоруктун дүрүмнерин сагываанындан хорап турар ажы-төлдун сан-түнү дүвүренчиг. Ынчангаш дараазында чүүлдерни номчуп алгаш сагыырынарны диледивис. Бирээде : хүнүн-не уругларынарынарга, оолдарынарга орук чурумун сагындырып чугаалап турунар. Кажан олар-биле чугаа кылып тургаш шупту аргаларын ажыгланар. Ылангыя,кудумчуга кады чораанынарда, таарымчалыг байдалды көрүп тургаш орук шимчээшкиннеринин чурумун тайылбырлап бээрин кызыдынар.Чижелээрге «кажан орукту эртип болбазыл», «кажан орукту эртип болурул». Орук эртеринин чурумун үрээн хамаатыларны көргүзүп, шак ындыг чурум үрекчилери дээрге орук шимчээшкининге айыыл тургузуп болур кижилер-деп тайылбырлаар. Сактып алыңар, силерниң уругларыңар дааразында чүүлдерни албан билир боор ужурлуг: Улуг улус чокка орук кежип болбас, орукту эртерде улуг кижинин холундан четтинип алыр, холундан салдынмас-ушта сокпас, тротуардан үнмес. Кудумчуга оожум кылаш-биле чоруур, машиналарның шимчээшкинин кичээнгейлиг хайгаарап чоруур, тротуарның он талазынга кылаштаар. -орукту чүг-ле тускайлатынган белдирден эртер (пешеходный переход) база светофорнуң чүг-ле ногаан өңү чырып кээрге, шупту машиналарның доктаай бээрин манап тургаш эртер. -чиик-даа машиналарга, газель, автобустарга чорааш машинанын соңгазындан бажын уштуп болбас; Ийиде: ажы-төлүнер-биле суг кыдыы черге эштип чорааш. терен эвес, уругларның эштииринге таарымчалыг черни шилип алыр; -уругларны хайгаарал чок сугже эштип киирип болбас; -эштип турар уругларны үзүткел чок карактаар; -уругларнын теректерден, эриктен сугже шураарын болдурбас; -уругларны сугже ханы кылдыр шырныырын хоруур; Үште: бодуңарның ажы-төлүңерге үргүлчү-ле айыыл халап болу бербези-биле орук шимчээшкиннерин база сугга эштииринин чурумнарын сагындырып чугаалап турунар; Хүнүн-не уругларынарга катап-катап дараазында чүүлдерни чугааланар: -Бажындан ырадыр ойнап болбас; -Танывазынар кижилерден чүү-даа ап болбас; -Орайга дээр агаарлап болбас; -Танывас элээди оолдарның бөлүүн (компаниязын) оюп эртип чор; -Улус кылыштавас ээн черлер, ээн бажыңнар, подвалдар чаны-биле кылаштава.Танывазыңар кижилер-биле лифт, подъезд кирбенер.Чүге дизе чамдык кем-херектер подъезтерге болгаш лифтилерге болуп турарын сагындырып чугаалап каары артык эвес.Танывазыңар кижилерниң айтырыгарынга чүг-ле чок-деп харыыны бээр, дүрген-не кайда хой кижи бар-дыр ынаар углуг шалыкпын чоруптар.Дуза дилеп алгырарындан ыятпас кылдыр өөредир.Бир эвес айыылдыг байдал тургустунуп келзе ушта чүктүп,алгырып кышкырып, ушта халып дезер; Хүндүлүг ада-иелер, уругларынарнын бажынынга айыыл чок чоруунун дугайында база утпанар: - чаш урууңарны чааскаандырын бажынга атырбаңар: -газ, плитка, лиир болгаш өске-даа электрилиг приборларже , от серенгизинге, изиг көстүг печкаже чаш уругларны чагдатпас. ХҮНДҮЛҮГ АДА-ИЕЛЕР ! САКТЫП АЛЫНАР! Чаш ажы төл силерден үлегер чижек алыр! Силерниң үлегерлиг, сагылга-чурумнуг аажы-чаныңар ажы төлүнерни чайгаар-ла чурумнуг кылдыр өөредир-деп утпанар ! Хоолгалаан.