Улуг,бичии аразынга
Улуг,бичии аразынга Угаан арыг ,демниг чорза, Угбалышкы,төрел сеткил Ууттунмас кежиктиг боор. Акы-дуңма бүгү чоннар Аразында эптиг чорза, Амыр-тайбың доктаар болур, Арга чоннар дыштыг болур. Ашак,кадай аразында Алызындан хүндүлээчел, “Аалым ишти”, “эжим” дишсе, Ажы-төлү дөзеп чурттаар. Кижи бүрү аразында Кичээнгейлиг,эптиг чорза, Каптагайның чону шупту Кайгамчыктыг демниг болур. Өртемчейниң чону-биле Өмек-дөмек чоруур болза, Өөвүске – Бөмбүрзекке Өктерел-даа бүрүн доктаар. Өртемчейге өктерел доктаазын! Өөвүске хөглүг каткы диңмирезин! Аймак-төрел демниг амыдыразын! Ава Тывам мөңге чечектелзин! Лидия Ооржак.
41 просмотров
Канал в каталоге Максиметера
68 подписчиков · Школы и вузы