Тема
Тема Месячник психологического здоровья в детском саду. Анонс Психологическое благополучие всех участников образовательного процесса, является главной составляющей образовательной деятельности сада. Во время психологического месячника, для создания атмосферы радости, веселья и новых открытий, реализованы интересные, разнообразные, инновационные формы и виды работы. Yөрэхтээhин былаанынан сааскы «Уйулҕаны чэбдигирдии» ыйа уhуйааңңа олус таhаарыылаахтык, ураты ис хоhоонноохтук ыытылынна. Тэрээhиннэр, дьарыктар сʏрʏн сыаллара-соруктара: ʏөрэх кыттыылаахтарын (оҕолор, төрөппʏттэр, үлэһиттэр) уйулҕаларын, доруобуйаларын чэбдигирдии буолар. Бастатан туран тоҕоостоох ʏлэ чэгиэн, сырдык, өрө көтөҕʏʏлээх, уоскулан эйгэни тэрийэр сыалы ситистэ. Маны таhынан оҕо «Личность» быыhыытынан сайдарыгар, бодоруhар дьоҕурун сайыннарыыга, бэйэ-бэйэҕэ өйөбʏл, тирэх буолары уонна сиэрдээх буолууну иитиигэ ананна, «Кʏлʏʏ кʏнэ», «Космонавтика кʏнʏгэр» «Межгалактическая вечеринка», «Кэрэ эйгэ» коллекционердары кытта көрсʏhʏʏ буолла. Ый устата бары кыттыылаахтар уйулҕа култууратын хайысхатыгар, билиилэрин таhыма ʏрдʏʏрʏн ситистибит. Ураты майгылаах, уйулҕалаах оҕолорго улахан болҕомто уурулунна, төрөппʏттэргэ, ʏлэhитэргэ, харыстабыл, куттала суох эйгэ тэриллэригэр соруктар ситиhилиннилэр, араас тыңаан турар ыйытыктарга сэрэтэр ʏлэлэр оңоhулуннулар. Сʏрʏн тэрээhиннэринэн араас дьарыктар, улахан суолталаах тэрээhиннэр ыытылыннылар. Оҕолорго араас тематическэй нэдиэлэлэр (Доруобуйа кʏнэ; «Мин эйгэм» оҕо «Личность» быhыытынан сайдарыгар аналлаах; «Сэрэхтээх буолуу») буолан аастылар. Доруобуйаларыгар хааччахтаах оҕолорго, Анал байыаннай дьайыы кыттыылаахтарын оҕолоругар, дьиэ кэргэттэригэр араас ис хоhоонноох ʏлэ буолан ааста. «Кʏбэйэ» методическэй сыантыр төрөппʏттэригэр, кырачаан оҕолоругар «Билсиhии кʏнэ» тэриллибитэ. Тас тэрилтэлэр, тʏмсʏʏлэр бу ыйга утары баран биhиэхэ тэрээhиннэр сэргэхтик ааhалларыгар кʏʏс-көмө буоллулар. Кыттыыны ыллылар: «Кэрэ эйгэ» коллекционердар тʏмсʏʏлэрэ, Болугурдааҕы учаскуобай балыаhата, олохтоох билии киэлитэ, Болугур орто оскуолатын педагог-психолога уонна успуорт бэтэрээнэ Никифорова Елена Семеновна. Төрөппʏтʏ кытта ʏлэ араас быhыылаах тэриллэн ый устата ʏлэлэннэ. Ол курдук «Аhаҕас кʏн» кʏннэригэр, төрөппʏт утʏө сыанабылын ылан, уhуйаан ʏлэтэ кынаттанна. Оҕолорго ыытыллар тэрээhиннэргэ көҕʏлээhин, профилактическай сыаллаах ʏлэлэр, дьиэҕэ сорудахтар, мунньах, акция-быыстапка тэриллэн, уhуйаан олоҕор биhиги төрөппʏттэрбит, оҕо ʏʏнэр-сайдар эйгэтин тэрийсэн, көхтөөх кыттыыны ыллылар. Тʏгэнинэн туhанан төрөппүттэрбитигэр, кыттыыны ылбыт тас тэрилтэ ʏлэhиттэригэр махталбытын тиэрдэбит.