🌷🌹🌷Ийэ мичээрэ истиҥ,кэрэ
🌷🌹🌷Ийэ мичээрэ истиҥ,кэрэ Күн уотуттан күндү курдук Көй салгынтан күүстээх курдук. 💐🥰💐🥰 Кулун тутар 12 күнүгэр "Сардаана" орто бөлөх кыргыттарыгар, ийэлэрбитигэр "Аан дойду кэрэ аҥаардар" күнүнэн "Ийэ мичээрэ" диэн аралдьытыы буолан ааста.👏🏻 Оҕолорбут саамай чугас, күндү ийэлэрин истиҥ ырыанан, хоһоонунан, үҥкүүнэн эҕэрдэлээтилэр.🥰 Ону таһынан, туттуллубат, быраҕыллар матырыйааллары туһанан "Сааскы фантазия" диэн авангард-муоданан сыанаҕа хааман көрдөрдүлэр. Манна төрөппүттэр араас пластмасс, кумааҕы, хортуон, салапаан курдук матырыйааллары туһанан араас дьэрэкээн көстүүмнэри бэлэмнээбиттэр.🌷🌹🌷🌹 Оҕолор ийэлэрин кытары көрдөөх күрэхтэһиилэргэ оонньоон астыннылар. Күндү дьонноругар бэйэлэрэ оҥорбут бэлэх открыткаларын туттардылар. Ис-сүрэхпититтэн күндү ийэлэрбитин эҕэрдэлиибит! Баҕарабыт сааскылыы сайаҕас санааны, дьолу, үтүөнү-кэрэни!❤️